ପଶ୍ଚିମବଙ୍ଗରେ ବିଜେପିକୁ ଡବଲ ଝଟକା । ୨୪ ଘଣ୍ଟା ଭିତରେ ଦଳ ଛାଡି ଟିଏମସି ହାତ ଧରିଲେ ଦୁଇ ବିଧାୟକ ।
କନକ ବ୍ୟୁରୋ: ପଶ୍ଚିମବଙ୍ଗରେ ବିଜେପିକୁ ଲାଗିଛି ଜୋରଦାର ଝଟକା । ୨୪ ଘଣ୍ଟା ଭିତରେ ବିଜେପି ଛାଡିି ଟିଏମସିରେ ଯୋଗ ଦେଇଛନ୍ତି ଦଳର ଦୁଇ ବିଧାୟକ । ସୋମବାର ବିଧାୟକ ତନ୍ମୟ ଘୋଷଙ୍କ ପରେ ମଙ୍ଗଳବାର ବିଜେପି ବିଧାୟକ ବିଶ୍ୱଜିତ ଦାସ ମଧ୍ୟ ପଶ୍ଚିମବଙ୍ଗର ଶାସକ ଦଳ ତୃଣମୂଳ କଂଗ୍ରେସରେ ସାମିଲ ହୋଇଛନ୍ତି । ଖାଲି ସେତିକି ନୁହେଁ, ତାଙ୍କର ଏହି ଦଳ ବଦଳ ବିଜେପିକୁ ଜୋରଦାର ଝଟକା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସୋମବାର ବିଷ୍ଣୁପୁର ବିଧାୟକ ତନ୍ମୟ ଘୋଷ ବିଜେପିର ହାତ ଛାଡି ଆସି ଦିଦିଙ୍କ ତୃଣମୂଳ କଂଗ୍ରେସରେ ସାମିଲ ହୋଇଥିଲେ । ଏହି ଘଟଣାର ୨୪ ଘଣ୍ଟା ନପୁରୁଣୁ ବିଧାୟକ ବିଶ୍ୱଜିତ ଦାସ ମଧ୍ୟ ଟିଏମସିରେ ସାମିଲ ହୋଇଛନ୍ତି ।
ଟିଏମସିରେ ସାମିଲ ହେବା ପରେ ବିଶ୍ୱଜିତ କହିଛନ୍ତି, ସେ ଭୁଲବଶତଃ ପୂର୍ବରୁ ଦଳ ବଦଳାଇଦେଇଥିଲେ । ଏବେ ଟିଏମସି ନେତୃତ୍ୱ ଉପରେ ତାଙ୍କର ଭରସା ଅଛି । ମମତା ବାନାର୍ଜୀ ବିକାଶ ପାଇଁ କାମ କରୁଛନ୍ତି । ତେଣୁ ସେ ତାଙ୍କ ସହିତ ଅଛନ୍ତି ବୋଲି ସେ କହିଛନ୍ତି । ଅନ୍ୟପଟେ ବିଜେପି ଉପରେ ଅଭିଯୋଗ ଆଣି ବିଶ୍ୱଜିତ କହିଛନ୍ତି, ବିଜେପିରେ ତାଙ୍କୁ ନେତାମାନେ କାମ କରିବାକୁ ଦେଉନଥିଲେ ।
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଏଥର ଦିଦିଙ୍କ ଟିଏମସି ଦମଦାର ପ୍ରଦର୍ଶନ କରିଥିଲା । ଏହାପରେ ବରିଷ୍ଠ ନେତା ମୁକୁଲ ରାୟ ବିଜେପି ଛାଡି ଟିଏମସିକୁ ଲେଉଟିଥିଲେ । ସେ ଗତ ୨୦୧୭ ମସିହାରେ ଟିଏମସି ଛାଡି ବିଜେପିରେ ସାମିଲ ହୋଇଥିଲେ । ହେଲେ ବିଧାନସଭା ନିର୍ବାଚନ ପରେ ସେ ବିଜେପି ଛାଡି ପୁଣି ଟିଏମସିକୁ ଫେରିଥିଲେ । ଏହାପରେ ଏବେ ଅନ୍ୟ ବିଜେପି ନେତାମାନେ ମଧ୍ୟ ଟିଏମସିକୁ ଲେଉଟିବା ଆରମ୍ଭ କରିଛନ୍ତି ।