ସାଇବର ଠକାମିର ଶିକାର ହେଲେ ପୋଲିସକୁ ତୁରନ୍ତ ଜଣାନ୍ତୁ । କଲ କରନ୍ତୁ ଟୋଲ ଫ୍ରି ନମ୍ବର ୧୫୫୨୬୦ ।

160

କନକ ବ୍ୟୁରୋ: ଲକଡାଉନ୍ ସମୟରେ ମାତିଛନ୍ତି ସାଇବର ଠକ । ତେଣୁ ଲୋକମାନେ ନିଜକୁ ସତର୍କ ରଖିବା ସହିତ ସୁରକ୍ଷିତ ରୁହନ୍ତୁ । ଯଦି କେହି ବି ଲୋକ ସାଇବର ଫ୍ରଡର ଶିକାର ହେଉଛନ୍ତି ତେବେ ତୁରନ୍ତ ଏନେଇ ପୋଲିସକୁ ଜଣାନ୍ତୁ । ଟୋଲ ଫ୍ରି ନମ୍ବର ୧୫୫୨୬୦କୁ କଲ କରି ମଧ୍ୟ ଲୋକମାନେ ନିଜ ସାଇବର ଫ୍ରଡ ମାଧ୍ୟମରେ ପୋଲିସକୁ ଜଣାଇପାରିବେ । ଆଜି କରୋନା ସମ୍ବନ୍ଧୀୟ ପ୍ରେସମିଟ କରି ଏନେଇ ସୂଚନା ଦେଇଛନ୍ତି ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ଯଶବନ୍ତ ଜେଠୱା ।

ଏଥିସହିତ ଲୋକମାନେ ଲକଡାଉନ୍ ସମୟରେ ନିୟମ ପାଳନ କରନ୍ତୁ । ନଚେତ୍ ପୋଲିସ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବ । ଦ୍ୱିତୀୟ ଲହର ପରଠାରୁ ପୋଲିସ ପ୍ରଶାସନ ଏନେଇ କଠୋର ହେବା ସହିତ ଭାରି ପରିମାଣର ଫାଇନ୍ ଆଦାୟ ହୋଇଛି ବୋଲି ସେ କହିଛନ୍ତି ।

ସେହିପରି ଟୁଇନ ସିଟି ପୋଲିସ କମିସନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି, ଆଗକୁ ରଜ ଆସିବାକୁ ଅଛି । ତେଣୁ ଲୋକମାନେ ନିୟମ ନଭାଙ୍ଗି କାମ କରନ୍ତୁ । ବଜାର ଘାଟରେ ଅଯଥାରେ ଗହଳି ନକରିବାକୁ ସେ ପରାମର୍ଶ ଦେଇଛନ୍ତି । ତା ସହିତ ଭୁବନେଶ୍ୱର ଡିସିପି ଏବଂ କଟକ ଡିସିପି ମଧ୍ୟ ଟୁଇନ ସିଟି ବାସୀଙ୍କୁ ନିୟମ ପାଳନ କରିବାକୁ ପରାମର୍ଶ ଦେଇଛନ୍ତି ।

Comments are closed.