ବିଦ୍ୟାଳୟରେ ପହଞ୍ଚିଲେ ବିଡିଓ, ଛାତ୍ରଛାତ୍ରୀଙ୍କୁ ଦେଲେ ମାର୍ଗଦର୍ଶନ
କନକ ବ୍ୟୁରୋ: ବ୍ଲକ ଅଫିସ ନୁହେଁ ବିଦ୍ୟାଳୟରେ ବିଡିଓ । ଅଚାନକ୍ ବିଦ୍ୟାଳୟରେ ପହଂଚିଗଲେ ବିଡିଓ । ଶ୍ରେଣୀଗୃହରେ ଛାତ୍ରଛାତ୍ରୀଙ୍କୁ ପାଠପଢାଇଲେ ବାଲେଶ୍ୱର ଜିଲ୍ଲା ବସ୍ତା ବ୍ଲକର ବିଡିଓ ସତ୍ୟଜିତ୍ ମହାନ୍ତି । ଅଚାନକ ବିଦ୍ୟାଳୟରେ ପହଞ୍ଚିଲେ ଗୋଷ୍ଠିଉନ୍ନୟନ ଅଧିକାରୀ , ଛାତ୍ରଛାତ୍ରୀଙ୍କୁ ପଢାଇଲେ ପାଠ ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ବର ଜିଲ୍ଲା ବସ୍ତା ବ୍ଲକ ଅନ୍ତର୍ଗତ ଗୁଡିଖାଳ ସ୍ଥିତ ବନବିହାରୀ ସରକାରୀ ଉଚ୍ଚ ବିଦ୍ୟାଳୟରେ ଅଚାନକ ପହଞ୍ଚିଥିଲେ ବସ୍ତା ଗୋଷ୍ଠୀ ଉନ୍ନୟନ ଅଧିକାରୀ ସତ୍ୟଜିତ ମହାନ୍ତି, ଛାତ୍ର ଛାତ୍ରୀଙ୍କୁ ପାଠ ପଢାଇବା ସହ ଭଲ ମଣିଷ ହେବା ପାଇଁ ଦିଗଦର୍ଶନ ଦେଇଥିଲେ । ଏହା ସହ ଜୀବନର ଲକ୍ଷ୍ୟସ୍ଥଳରେ ପହଞ୍ଚିବା ପାଇଁ କଠିନ ପରିଶ୍ରମ କରିବାକୁ ପଡିବ ବୋଲି ଛାତ୍ର ଛାତ୍ରୀଙ୍କୁ କହିଥିଲେ । ବିଦ୍ୟାଳୟରେ କେମିତି ଚାଲିଛି ପାଠ ପଢା , ବିଦ୍ୟାଳୟ ପରିଷ୍କାର ପରିଚ୍ଛନ ଅଛି କି ନାହିଁ , ଶିକ୍ଷକ ମାନେ ଠିକ୍ ସମୟରେ ବିଦ୍ୟାଳୟ କୁ ଆସୁଛନ୍ତି କି ନାହିଁ ଛାତ୍ରଛାତ୍ରୀଙ୍କୁ ପଚାରି ବୁଝିଥିଲେ । ଛାତ୍ରଛାତ୍ରୀମାନେ ମଧ୍ୟ ଗୋଷ୍ଠୀ ଉନ୍ନୟନ ଅଧିକାରୀଙ୍କ କଥାକୁ ବେଶ ଆଗ୍ରହର ସହ ଶୁଣିଥିଲେ । ଦୀର୍ଘ ଦିନ ପରେ ଛାତ୍ର ଛାତ୍ରୀଙ୍କ ସହ ମିଶିବା ଏବଂ ପାଠ ପଢାଇ ବେଶ ଖୁସି ଥିବା କହିଛନ୍ତି ଗୋଷ୍ଠୀ ଉନ୍ନୟନ ଅଧିକାରୀ । ଅନ୍ୟପଟେ ଛାତ୍ରଛାତ୍ରୀ ମାନେ ମଧ୍ୟ ଖୁସି ଥିବା କହିଛନ୍ତି ।