କନକ ବ୍ୟୁରୋ : ମେ ୩୦ ତାରିଖରୁ ଆରମ୍ଭ ହେବାକୁ ଯାଉଛି କ୍ରିକେଟ୍ ଜଗତର ସବୁଠୁ ବଡ ଟୁର୍ଣ୍ଣାମେଣ୍ଟ । କ୍ରିକେଟର ଏହି ମହାକୁମ୍ଭରେ ଏକ ନୂଆ ଇତିହାସ ରଚିବା ପାଇଁ ଚାଲିଛି ଜୋରଦାର ପ୍ରସ୍ତୁତି । କିଛି ଦେଶ ନିଜ ଦଳ ଘୋଷଣା କରିସାରିଥିବା ବେଳେ ଆସନ୍ତାକାଲି ଦଳ ଘୋଷଣା କରିବ ଭାରତ । ବିଶ୍ୱକପର ତାରିଖ ଯେତିକି ପାଖେଇ ପାଖେଇ ଯାଉଛି, କ୍ରୀଡାପ୍ରେମୀଙ୍କ ମଧ୍ୟରେ ଉତ୍ସାହ ସେତିକି ବଢି ବଢି ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଇଂଲଣ୍ଡ ଠାରେ ମେ ୩୦ ତାରିଖରୁ ଆରମ୍ଭ ହେବାକୁ ଯାଉଥିବା ବିଶ୍ୱକପ ପାଇଁ ଭାରତର ପାଖାପାଖି ୧୪ ଜଣ ଖେଳାଳୀଙ୍କ ନାଁ ଚୂଡାନ୍ତ ହୋଇସାରିଥିବା ବେଳେ, ଚତୁର୍ଥ ସ୍ଥାନରେ କିଏ ଖେଳିବେ, ସେନେଇ ଦ୍ୱନ୍ଦ୍ୱରେ ରହିଛନ୍ତି ଚୟନକର୍ତ୍ତା । ଏପରିକି ଏହି ସ୍ଥାନ ପାଇଁ ଅମ୍ବାତି ରାଇଡୁଙ୍କୁ ସୁଯୋଗ ମିଳିପାରେ ବୋଲି କୁହାଯାଉଛି । ସେପଟେ ଦଳରେ ମହେନ୍ଦ୍ର ସିଂହ ଧୋନୀ ଏକମାତ୍ର ୱିକେଟକିପର ରହିଥିବା ବେଳେ ଭାରତ ଆଉ ଜଣେ ୱିକେଟ୍ ରକ୍ଷକଙ୍କୁ ଦଳରେ ସାମିଲ କରିବ । ଆଉ ଏହି ଦୃଷ୍ଟିରୁ ଦିନେଶ କାର୍ତ୍ତିକ ଏବଂ ଋଷଭ ପନ୍ଥଙ୍କ ମଧ୍ୟରୁ ଜଣଙ୍କ ନାଁରେ ମୋହର ଲାଗିପାରେ ବୋଲି ମଧ୍ୟ ଚର୍ଚ୍ଚା ହେଉଛି । ଯୁବ ତାରକା ଋଷଭ ପନ୍ଥ ଭଲ ଫର୍ମରେ ଥିବା ବେଳେ ସେପଟେ ଦିନେଶ କାର୍ତ୍ତିକ ମଧ୍ୟ ଅତ୍ୟନ୍ତ ଅନୁଭବୀ ଖେଳାଳୀ ଅଟନ୍ତି ।
ସମ୍ଭାବ୍ୟ ଭାରତୀୟ ଦଳ – ବିରାଟ କୋହଲି (ଅଧିନାୟକ), ରୋହିତ ଶର୍ମା (ଉପଅଧିନାୟକ), ଶିଖର ଧାୱନ, କେ.ଏଲ ରାହୁଲ, କେଦାର ଯାଦବ, ହାର୍ଦ୍ଦିକ ପାଣ୍ଡ୍ୟା, ବିଜୟ ଶଙ୍କର, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ଯଶପ୍ରିତ ବୁମରା, ଭୁବନେଶ୍ୱର କୁମାର, ମହମ୍ମଦ ଶାମି, ରବିନ୍ଦ୍ର ଜାଡେଜା ।
୧୫ ନମ୍ବର ଖେଳାଳୀ – (ବିକଳ୍ପ)
ଦ୍ୱିତୀୟ ୱିକେଟକିପର – ଦିନେଶ କାର୍ତ୍ତିକ, ଋଷଭ ପନ୍ଥ ।
ଚତୁର୍ଥ ନମ୍ବର – ଅମ୍ବାତି ରାଇଡୁ ।