ଭୁବନେଶ୍ୱର ଗଙ୍ଗନଗରରେ ଖସିପଡିଥିବା ଟଙ୍କା ବିଡା ନେଲେ ବ୍ୟକ୍ତି : ପ୍ରମାଣ ଦେଖାଇ ଥାନାରୁ ଟଙ୍କା ନେଲେ ଶଶାଙ୍କ ଶେଖର 

କନକ ବ୍ୟୁରୋ : ଭୁବନେଶ୍ୱର ଗଙ୍ଗନଗର ଛକରେ  ମିଳିଥିବା ୩ ବିଡା ୫ଶହ ଟଙ୍କିଆ ନୋଟ୍ କାହାର ତାହା ଚିହ୍ନଟ ହୋଇଛି ।  ଶଶାଙ୍କ ଶେଖର ସାହୁଙ୍କ ନାମକ ବ୍ୟକ୍ତିଙ୍କ ଏହି ଟଙ୍କା ବୋଲି ଜଣାପଡିଛି ।  ନିଜ କର୍ମଚାରୀଙ୍କୁ ଦରମା ଦେବାକୁ  ବ୍ୟାଙ୍କରୁ ଉଠାଇ ନେବାବେଳେ  ଶଶାଙ୍କଶେଖରଙ୍କ  ଜାକେଟରୁ ଏହା ଖସିପଡିଥିଲା ।  ପ୍ରମାଣ ଦେଇ ଶଶାଙ୍କ ଏହି ଟଙ୍କା ପୁଲିସ ପାଖରୁ ନେଇଛନ୍ତି । ଗତକାଲି ଗଙ୍ଗନଗର ଛକରେ ଏହି ୫ ଶହ ଟଙ୍କିଆ ମିଳିଥିଲା  ଲୋକେ ଏହି ନୋଟକୁ ଦେଖିଥିଲେ ବି  କେହି ଭୟରେ ଉଠାଇନଥିଲେ ।  ଶେଷରେ ଖବର ପାଇ  କ୍ୟାପିଟାଲ ଥାନା ପୁଲିସ ଟଙ୍କାକୁ ଜବତ କରିଥିଲା । ମାତ୍ର କେହି ଦାବିଦାର ନଥିବାରୁ ପୁଲିସ ନିଜ ହେପାଜତରେ ଏହି ଟଙ୍କାକୁ ରଖିଥିଲା ।