ପତ୍ନୀଙ୍କ ଅଭିଯୋଗ ଆଧାରରେ ଗିରଫ ହେଲେ ବୌଦ୍ଧ ଡେପୁଟି କଲେକ୍ଟର ଶରତ ବାଗ୍ । ଡେପୁଟି କଲେକ୍ଟରଙ୍କ ଷ୍ଟିଂ ଭିଡିଓ ଜାରି କରି ଥାନାରେ ଅଭିଯୋଗ କରିଥିଲେ ପତ୍ନୀ ।
କନକ ବ୍ୟୁରୋ : ଗିରଫ ହେଲେ ବୌଦ୍ଧ ଜିଲ୍ଲା ଡେପୁଟି କଲେକ୍ଟର ଶରତ ବାଗ । ପତ୍ନୀଙ୍କ ଅଭିଯୋଗ ଆଧାରରେ ତାଙ୍କୁ ଗିରଫ କରିଛି ଝାରସୁଗୁଡା ପୁଲିସ । ସ୍ତ୍ରୀଙ୍କୁ ନିର୍ଯାତନା ଦେବା ସହ ପରକୀୟାପ୍ରିତୀ ଅଭିଯୋଗରେ ଡେପୁଟି କଲେକ୍ଟରଙ୍କୁ ଗିରଫ କରାଯାଇଥିବା ଝାରସୁଗୁଡା ଏସପି ସୂଚନା ଦେଇଛନ୍ତି । ଶରତ ବାଗ୍ ତାଙ୍କ ସ୍ତ୍ରୀଙ୍କୁ ଶାରୀରିକ ନିର୍ଯ୍ୟାତନା ସହିତ ଅନ୍ୟ ମହିଳାଙ୍କ ସହିତ ସଂପର୍କ ରଖିଥିବା ନେଇ ପତ୍ନୀ ଡୋଳିଆ ଦେବନାଥ ଝାରସୁଗୁଡା ଥାନାରେ ଅଭିଯୋଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ, ବୌଦ୍ଧ ଜିଲ୍ଲାରେ ଡେପୁଟି କଲେକ୍ଟର ଭାବେ ଅବସ୍ଥାପିତ ଥିବା ଶରତ ବାଗ୍ କୌଣସି କାମରେ ଝାରସୁଗୁଡା ଆସିଥିବା ସମୟରେ ପତ୍ନୀ ଡୋଳିଆ ଦେବନାଥଙ୍କ ସହ ଝଗଡା କରିଥିଲେ । ଏହାପରେ ସେ ଓ ତାଙ୍କର ସାଥୀ ମିଶି ଡୋଳିଆଙ୍କୁ ମାଡ ମାରିଥିଲେ । କୌଶଳ କ୍ରମେ ଶରତଙ୍କ ପତ୍ନୀ ସେଠାରୁ ଖସି ଆସି ଝାରସୁଗୁଡା ଏସପିଙ୍କ ନିକଟରେ ଫେରାଦ ହୋଇଥିଲେ । ପରେ ସେ ଥାନାରେ ଏତଲା ଦେଇଥିଲେ ।
ପତ୍ନୀଙ୍କ ମୌଖିକ ଅଭିଯୋଗ ପରେ ତୁରନ୍ତ ତାଙ୍କର ଜିଲ୍ଲା ଡାକ୍ତରଖାନାକୁ ନେଇ ପରୀକ୍ଷା କରାଯାଇଥିଲା । ଡାକ୍ତରଖାନାରୁ ଫେରିବା ପରେ ସେ ଥାନାରେ ଏତଲା ଦେଇଥିଲେ । ପୁରା ଘଟଣାକୁ ଷଡଯନ୍ତ୍ର ବୋଲି କହିଥିଲେ ବୌଦ୍ଧ ଡେପୁଟି କଲେକ୍ଟର ।