ପଂଚାୟତ ଲଢେଇରେ କିଏ ଜିତିବ କେତେ ଆସନ ? ଗଣମାଧ୍ୟମରେ ଦମ୍ଭୋକ୍ତି ପ୍ରକାଶ କଲେ ରାଜନୈତିକ ଦଳ
କନକ ବ୍ୟୁରୋ : ତ୍ରିସ୍ତରୀୟ ପଂଚାୟତ ନିର୍ବାଚନ ପାଇଁ ପ୍ରାର୍ଥୀମାନେ ମଇଦାନକୁ ଓହ୍ଲାଇବା ପରେ, ପ୍ରଚାର ମଇଦାନ ସରଗରମ ହୋଇଛି । ଏହା ଭିତରେ କିଏ ଜିତିବ କେତେ ଆସନ । ଏନେଇ ଦମ୍ଭୋକ୍ତି ପ୍ରକାଶ କରିଛନନ୍ତି ରାଜନୈତିକ ଦଳ । ବିଜେଡି ବିଧାୟିକା ପ୍ରମିଳା ମଲ୍ଲିକ କହିଛନ୍ତି, ୮୦୦ଶହରୁ ଅଧିକ ଜିଲ୍ଳା ପରିଷଦ ଜୋନରେ ଜିତିବ ବିଜେଡି । ବରଗଡ ଆମ୍ବାଭୋନାରେ ବିଜେଡି ପ୍ରାର୍ଥୀ ନିଦ୍ୱର୍ନ୍ଦ୍ୱରେ ନିର୍ବାଚିତ ହେବା ଏହାର ନମୁନା । ଚଳିତ ନିର୍ବାଚନରେ ବିଜେଡି ଓ ବିଜେପି ମଧ୍ୟରେ ଲଢ଼େଇ ହେବ । ଲୋକେ ବିଜେଡି ସହିତ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ରାଜ୍ୟ ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର କହିଛନ୍ତି, ଭାରତୀୟ ଜନତା ପାର୍ଟି ପୂର୍ବ ନିର୍ବାଚନରେ ତୃତୀୟରୁ ଦ୍ୱିତୀୟକୁ ଆସିଥିଲା । ଏଥର ଦ୍ୱିତୀୟରୁ ପ୍ରଥମ ସ୍ଥାନକୁ ଆସିବ । ପ୍ରମିଳା ମଲ୍ଲିକ ଯାହା କହିଥିଲେ ତାହା ତର୍ଜମା କରି ଦେଖନ୍ତୁ, ସେ କଣ ଜ୍ୟୋତିଷ ନା ଭୋଟ ବାକ୍ସ ତିଆରି କରିଛନ୍ତି । ସେମାନେ ରାଜ୍ୟବାସୀଙ୍କ ସେବା କରିନାହାନ୍ତି କି ଓବିସିଙ୍କୁ ନ୍ୟାୟ ପ୍ରଦାନ କରିନାହାନ୍ତି, ସେ ଉତ୍ତର ତାଙ୍କୁ ଦେବାକୁ ପଡିବ । ଆମର କୌଣସି ସ୍ଥାନରେ ସ୍ୱାଧୀନ ପ୍ରାଥୀ ନାହାନ୍ତି, ଯେଉଁମାନେ ଥିଲେ ସମସ୍ତେ ପ୍ରାଥୀପତ୍ର ପ୍ରତ୍ୟାହାର କରିସାରିଛନ୍ତି । ଯେଉଁମାନେ ଅଛନ୍ତି ସେମାନେ ବିଜୁ ଜନତା ଦଳର ପ୍ରାଥୀ । ତେଣୁ ସ୍ୱାଧୀନ ପ୍ରାଥୀ ଲାଗି ଯାହା କ୍ଷତି ହେବ ବିଜେଡିର ହେବ ଆମର କୌଣସି କ୍ଷତି ହେବ ନାହିଁ ।