ମାନସଙ୍କ କ୍ୟାମେରା ଚିପରେ ଥିଲା କଣ? ସହଯୋଗୀ କ୍ୟାମେରାମ୍ୟାନଙ୍କ ବିସ୍ଫୋରକ ବୟାନ ।

କନକ ବ୍ୟୁରୋ : କ୍ୟାମେରାମ୍ୟାନ ମାନସ ସ୍ୱାଇଁକୁ ହତ୍ୟା ପଛର କାରଣ ନେଇ ଯାହା ଆଶଙ୍କା କରାଯାଉଥିଲା ତାହା ହିଁ ସତ ହୋଇଛି । ଏକ ଭିଡିଓ କ୍ଲିପ୍ ପାଇଁ ମାନସଙ୍କୁ ହତ୍ୟା କରାଯାଇଥିବା ଧୀରେ ଧୀରେ ସ୍ପଷ୍ଟ ହେଉଛି । କନକ ନ୍ୟୁଜକୁ ସାକ୍ଷାତକାର ଦେଇ ମାନସଙ୍କ ସହଯୋଗୀ କ୍ୟାମେରାମ୍ୟାନ କହିଛନ୍ତି, ସେହି ଭିଡିଓରେ ପୂର୍ବତନ ସୂଚନା ଓ ଲୋକସମ୍ପର୍କ ନିର୍ଦ୍ଦେଶକ ନିରଞ୍ଜନ ସେଠୀଙ୍କ ଏକ ଭିଡିଓ ଥିଲା । ଯାହାକୁ ଦେବାକୁ ତାଙ୍କ ଉପରେ ଚାପ ପକାଉଥିଲେ ଶର୍ମିଷ୍ଠା । ହେଲେ, ଦରମା ଦେଲେ ଭିଡିଓ କ୍ଲିପ୍ ଦେବେ ବୋଲି କହିଥିଲେ ମାନସ । ଯାହା ତାଙ୍କ ଜୀବନ ନେଇଗଲା । ମାନସଙ୍କ ସହ ସବୁବେଳେ ରହୁଥିବା ତାଙ୍କ ସହଯୋଗୀ କ୍ୟାମେରାମ୍ୟାନ ଏନେଇ ମୁହଁ ଖୋଲିଛନ୍ତି ।

କନକ ନ୍ୟୁଜକୁ ମାନସଙ୍କ ସହଯୋଗୀ କ୍ୟାମେରାମ୍ୟାନ କହିଛନ୍ତି, ଚିପରେ କଣ ଥିଲା ସେନେଇ କହିଥିଲେ ମାନସ । ପୁରୀ ବେଳାଭୂମିରେ ଏକ ଫିଲ୍ମର ସିନ୍ ସୁଟ୍ ହୋଇଥିଲା । ଏହି ସିନରେ ନିରଞ୍ଜନ ସେଠୀ ଓ ୨ ଜଣ ଯୁବତୀ ଥିଲେ । ନିରଞ୍ଜନ ସେଠୀ ନିଜେ ଏହି ଫିଲ୍ମର ହିରୋ ଥିଲେ । ଫିଲ୍ମ ସିନରେ ସମୁଦ୍ରରୁ ଜଣଙ୍କୁ ଉଦ୍ଧାର କରାଯାଉଥିଲା । ଏଥିସହ ଗାଧୋଇବା ବେଳର ଦୃଶ୍ୟ ମଧ୍ୟ ସୁଟ୍ ହୋଇଥିଲା ।

ମାନସ ଓ ଶର୍ମିଷ୍ଠାଙ୍କ ମଧ୍ୟରେ ଟଙ୍କାକୁ ନେଇ ବିବାଦ ରହିଥିଲା । ଚାରି, ପାଞ୍ଚ ମାସ ଧରି ମାନସଙ୍କୁ ଦରମା ଦେଇନଥିଲେ ଶର୍ମିଷ୍ଠା । ଦରମା ଦେଲେ ଚିପ୍ ଦେବେ ବୋଲି କହିଥିଲେ ମାନସ ସ୍ୱାଇଁ । ସେଥିପାଇଁ ଫେବ୍ରୁଆରୀ ୭ ତାରିଖରେ ମାନସଙ୍କୁ ଅପହରଣ କରାଯାଇଥିଲା । ୧୨ ମାର୍ଚ୍ଚରେ ମାନସଙ୍କ ମୃତଦେହ ରଣପୁର ନିକଟରୁ ମିଳିଥିଲା । ମାନସ ସହଯୋଗୀ କ୍ୟାମେରାମ୍ୟାନଙ୍କ ଏହି ତଥ୍ୟ ବୟାନ କରୁଛି ହତ୍ୟା ପଛର ସତ । କନକ ନ୍ୟୁଜକୁ ଏକ୍ସକ୍ଲୁସିଭ ସାକ୍ଷାତକାର ଦେଇ ମାନସଙ୍କ ସହ ସବୁବେଳେ ସାଥୀରେ ରହି ଫଟୋ ଉଠାଉଥିବା ଏହି କ୍ୟାମେରାମ୍ୟାନ ସହିତ ସବୁକଥା କହିଥିଲେ ମାନସ ।

ଅନ୍ୟପଟେ ଟଙ୍କା କାରବାରକୁ ନେଇ ମାନସ ଓ ଶର୍ମିଷ୍ଠାଙ୍କ ମଧ୍ୟରେ ବିବାଦ ଥିଲା । ୪-୫ ମାସ ହେଲା ମାନସଙ୍କୁ ଦରମା ମିଳିନଥିଲା । କୁଆଡେ ମାନସ କହିଥିଲେ ଦରମା ଦେଲେ ଚିପ୍ ଫେରାଇଦେବେ । ଏହାପରେ ଫେବୃଆରୀ ୭ ତାରିଖରେ ମାନସଙ୍କୁ ଅପହରଣ କରାଯାଇ ହତ୍ୟା କରାଗଲା । ମାନସଙ୍କ ସହଯୋଗୀ ଜଣକ ଏ କଥା କ୍ରାଇମବ୍ରାଂଚକୁ ମଧ୍ୟ କହିଛନ୍ତି । ସେପଟେ କ୍ରାଇମବ୍ରାଞ୍ଚ ଶୁକ୍ରବାର ଘଟଣାସ୍ଥଳରେ ପହଞ୍ଚି ଛାନଭିନ କରିଛି । କିନ୍ତୁ ହତ୍ୟାକାଣ୍ଡର ମାଷ୍ଟରମାଇଣ୍ଡ ତଥା ମୁଖ୍ୟ ଅଭିଯୁକ୍ତ ଶର୍ମିଷ୍ଠା ରାଉତଙ୍କୁ ଧରିପାରିନାହିଁ ।