ବଦଳିଲେ ବାସେଳିସାହି ଥାନା ଆଇଆଇସି । ପୁରୀ ହାଜତ ମୃତ୍ୟୁ ଘଟଣାରେ ପରେ ପୋଲିସ ପ୍ରଶାସନ ଅଦଳବଦଳ
କନକ ବ୍ୟୁରୋ : ପୁରୀ ହାଜତ ମୃତ୍ୟୁ ଘଟଣା ପରେ ବାସେଳିସାହି ଥାନା ସହ ୫ଟି ଥାନାର ଆଇଆଇସି ଓ ଗୋଟିଏ ଥାନାର ଏସଆଇଙ୍କୁ ବଦଳି କରାଯାଇଛି। ପୁରୀ ବାସେଳିସାହି ଥାନା ଆଇଆଇସି ଜୀବନାନନ୍ଦ ଜେନାଙ୍କୁ ଜିଲ୍ଲା ମୁଖ୍ୟାଳୟକୁ ବଦଳି କରାଯାଇଥିବା ବେଳେ ବଳଙ୍ଗା ଆଇଆଇସି ସଞ୍ଜୀବ ପ୍ରଧାନ ବାସେଳିସାହି ଆଇଆଇସି ଭାବେ ନିଯୁକ୍ତ ହୋଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
କେ. ରମେଶ ନାମକ ଜଣେ ଯୁବକ ପୁଲିସ୍ ହେପାଜତରେ ଥିବା ବେଳେ ପ୍ରାଣ ହରାଇଥିଲା। ଏହି ଘଟଣା ପରେ ବାସେଳିସାହି ଥାନା ଚର୍ଚ୍ଚାକୁ ଆସିଥିଲା । ଏହି ଘଟଣାରେ ପୂର୍ବରୁ ତତ୍କାଳୀନ ଏସ୍ପି ଅଖିଳେଶ୍ୱର ସିଂଙ୍କୁ ପୁଲିସ୍ ମୁଖ୍ୟକାର୍ୟ୍ୟାଳୟ ଏସ୍ପି ଭାବେ ବଦଳି କରାଯାଇଥିଲା। ଏବେବି ଏହି ଘଟଣାର ତଦନ୍ତ ଚାଲିଛି।
ସେହିପରି କୁମ୍ଭାରପଡ଼ା ପୁଲିସ ଷ୍ଟେସନ ଆଇଆଇସି କୁଳମଣି ସେଠୀଙ୍କୁ ବାଲିଆପଣ୍ଡା ପୁଲିସ ଷ୍ଟେସନରେ ଆଇଆଇସି ଭାବେ ନିଯୁକ୍ତି କରାଯାଇଛି।
ଏଥିସହିତ ବାଲିଆପଣ୍ଡା ଆଇଆଇସି ଚିନ୍ମୟ ରାଉତଙ୍କୁ ସମୁଦ୍ରକୂଳ ପୁଲିସ ଷ୍ଟେସନକୁ ବଦଳି କରାଯାଇଥିବା ବେଳେ ସମୁଦ୍ରକୂଳ ପୁଲିସ ଷ୍ଟେସନର ଆଇଆଇସି ବିଚିତ୍ରନନ୍ଦ ସେଠୀଙ୍କୁ କୁମ୍ଭାରପଡ଼ାକୁ ପଠାଯାଇଛି। କୁମ୍ଭାରପଡ଼ା ଏସଆଇ ସମରେନ୍ଦ୍ର ପାଇକରାଏଙ୍କୁ ବଳଙ୍କା ପୁଲିସ ଷ୍ଟେସନକୁ ଓଆଇସି ଭାବେ ବଦଳି କରାଯାଇଛି।