କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ । ରାଜ୍ୟପାଳ କରାଇଲେ ଶପଥ ପାଠ
କନକ ବ୍ୟୁରୋ : କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବେ ଆଜି ଶପଥ ନେଇଛନ୍ତି ବାସବରାଜ ବୋମାଇ । ଆଜି ଦିନ ୧୧ ଟା ବେଳେ ତାଙ୍କୁ ଶପଥ ପାଠ କରାଇଛନ୍ତି । ଆଜି କେବଳ ମୁଖ୍ୟମନ୍ତ୍ରୀ ଶପଥ ନେଇଥିବା ବେଳେ ମନ୍ତ୍ରୀମଣ୍ଡଳର ବିସ୍ତାର ପରେ କରାଯିବ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବୁଧବାର ଦିନ ମୁଖ୍ୟମନ୍ତ୍ରୀ ଭାବେ ବାସବରାଜ ବୋମାଇ ଶପଥ ନେବା ପୂର୍ବରୁ ଦଳର କିଛି ବରିଷ୍ଠ ନେତାମାନଙ୍କ ସହ ବାଲାବୁୟୀ ଗେଷ୍ଟ ହାଉସ ନିକଟରେ ଥିବା ଅଞ୍ଜନେୟ ମନ୍ଦିର ଯାଇ ଭଗବାନଙ୍କ ଆର୍ଶିବାଦ ନେଇଥିଲେ ।
କର୍ଣ୍ଣାଟକରେ ବିଏ ୟେଦ୍ୟୁରପ୍ପାଙ୍କ ଇସ୍ତଫା ପରେ ଭାରତୀୟ ଜନତା ପାର୍ଟିର ବିଧାୟକ ଦଳ ବୈଠକରେ ବାସବରାଜ ବୋମାଇଙ୍କୁ ମୂୁଖ୍ୟମନ୍ତ୍ରୀ କରାଯିବା ନେଇ ନିଷ୍ପତ୍ତି ହୋଇଥିଲା । କେନ୍ଦ୍ରୀୟ ପର୍ଯ୍ୟବେକ୍ଷକଙ୍କ ଉପସ୍ଥିତିରେ ମଙ୍ଗଳବାର ଦିନ ବେଙ୍ଗାଲୋର ଠାରେ ଏହି ନିଷ୍ପତ୍ତି ନିଆଯାଇଥିଲା । ଯେଉଁଥିରେ ବିଧାୟକ ଦଳ ସହ କେନ୍ଦ୍ରୀୟ ପର୍ଯ୍ୟବେକ୍ଷକ ବାସବରାଜ ବୋମାଇଙ୍କ ନାମରେ ମୋହର ମାରିଥିଲେ ।
Basavaraj Bommai sworn-in as the new Chief Minister of Karnataka pic.twitter.com/4RPPysdQBa
— ANI (@ANI) July 28, 2021
କହିରଖୁ କି ବାସବରାଜ ବୋମାଇ ତାଙ୍କ ରାଜନୈତିକ ଜୀବନ ଜନତା ଦଳରୁ ଆରମ୍ଭ କରିଥିଲେ । ଏହାପରେ ସେ ବିଜେପିରେ ଯୋଗ ଦେଇଥିଲେ । ତାଙ୍କୁ ବି.ଏସ ୟେଦ୍ୟୁରପ୍ପାଙ୍କ ନିକଟତର ବୋଲି କୁହାଯାଉଛି । ଏହି କାରଣରୁ ତାଙ୍କୁ ମୁଖ୍ୟମନ୍ତ୍ରୀ ପଦ ମିଳିଥିବା କୁହାଯାଉଛି ।
ବି.ଏସ୍ ୟେଦ୍ୟୁରପ୍ପାଙ୍କ ଭଳି ବାସବରାଜ ବୋମାଇ ବି ଲିଙ୍ଗାୟତ ସମୁଦାୟରୁ ଆସିଛନ୍ତି । ତାଙ୍କ ପିତା ଏସ.ଆର ବୋମାଇବି କର୍ଣ୍ଣାଟକର ମୁଖ୍ୟମନ୍ତ୍ରୀ ଥିଲେ । ଏବେ କର୍ଣ୍ଣାଟକର ୨୩ ତମ ମୁଖ୍ୟମନ୍ତ୍ରୀ ଭାବେ ସେ ଶପଥ ନେଇଛନ୍ତି ।