ବଦଳିଗଲା ବାସନ୍ତୀଙ୍କ ଭାଗ୍ୟ: ସମିତି ସଭ୍ୟାରୁ ରାଷ୍ଟ୍ରମନ୍ତ୍ରୀ…
କନକ ବ୍ୟୁରୋ: ସମିତି ସଭ୍ୟରୁ ରାଷ୍ଟ୍ର ମନ୍ତ୍ରୀ । ରାଜନୀତିରେ ଆଦିବାସୀ ମହିଳା ବାସନ୍ତି ହେମ୍ବ୍ରମଙ୍କ ସଫଳତାର ଯାତ୍ରା ଯୁବନେତାଙ୍କୁ ନିଶ୍ଚିନ୍ତ ପ୍ରେରଣା ଯୋଗାଇବ । ଆଜି ରାଷ୍ଟ୍ର ମନ୍ତ୍ରୀ ଭାବେ ମହିଳା, ଶିଶୁବିକାଶ ଓ ମିଶନ ଶକ୍ତି ଭଳି ଗୁରୁତ୍ୱପୂର୍ଣ୍ଣ ବିଭାଗ ବାସନ୍ତିଙ୍କୁ ମିଳିଛି । କିନ୍ତୁ ତାଙ୍କର ଏହି ରାଜନୈତିକ ଯାତ୍ରା ଏତେ ସହଜ ନଥିଲା । ଆଦିବାସୀ ଅଧିସୂତ ମୟୁରଭଞ୍ଜ ଜିଲ୍ଲାର କରଞ୍ଜିଆ ବିଧାୟକ ବାସନ୍ତି ହେମ୍ବ୍ରମଙ୍କ ସଫଳତା ପଛରେ ରହିଛି ପୂର୍ବତନ ମନ୍ତ୍ରୀ ତଥା ତାଙ୍କ ଶଶୁର ସ୍ୱର୍ଗତ ରଘୁନାଥ ହେମ୍ବ୍ରମଙ୍କ ହାତ ।
Kanak News is now on WhatsApp
Join and get latest news updates delivered to you via WhatsApp
ସମିିତି ସଭ୍ୟ ଭାବେ ନିର୍ବାଚିତ ହେବା ପରେ ଶ୍ରୀମତି ହେମ୍ବ୍ରମ ୨୦୦୨ ଏବଂ ୨୦୦୭ରେ ବ୍ଲକ ଅଧ୍ୟକ୍ଷ ଭାବେ ନିର୍ବାଚିତ ହୋଇ ଲୋକ ତାଙ୍କ ସହ ଥିବା ସୂଚାଇ ଦେଇଥିଲେ । ୨୦୦୯ରେ କରଞ୍ଜିଆରୁ ବିଜେଡିରୁ ଆଶାୟୀ ବିଧାୟକ ପ୍ରାର୍ଥୀ ଥିଲେ ମଧ୍ୟ ଦଳ ତାଙ୍କୁ ଟିକେଟ୍ ଦେଇନଥିଲା । ପରେ ସେ ସମାଜବାଦୀ ପାର୍ଟିରୁ କରଞ୍ଜିଆରୁ ବିଧାୟକ ଲଢି ହାରି ଯାଇଥିଲେ ।
୨୦୧୨ରେ ସ୍ୱାଧୀନ ଜିଲ୍ଲା ପରିଷଦ ଭାବେ ଠିଆ ହୋଇ ହାରିଥିଲେ । ପରେ ସେ ପୁଣି ବିଜେଡିରେ ମିଶିବା ପରେ ତାଙ୍କୁ ମୟୁରଭଞ୍ଜ ଜିଲ୍ଲା ଆଦିବାସୀ ଉନ୍ନୟମ ପରିଷଦ ଉପାଧ୍ୟକ୍ଷା ଭାବେ ନିଯୁକ୍ତ କରିଥିଲେ ରାଜ୍ୟ ସରକାର । ଆଉ ୨୦୧୯ରେ ବିଜେଡି ଟିକେଟ୍ରେ ଲଢି ପ୍ରଥମ ଥର ଭାବେ ବିଧାୟକ ହୋଇଥିଲେ । ଜିଲ୍ଲାର ସଙ୍ଗଠନ ସୁଦୃଢ କରିବାରେ ତାଙ୍କର ଭୂମିକା ରହିଥିବାରୁ ବାସନ୍ତିଙ୍କୁ ଆଜି ଏତେ ବଡ ପଦବୀ ମିଳିପାରିଛି ।