ଶ୍ରୀମନ୍ଦିର ପରିକ୍ରମା ପ୍ରକଳ୍ପ: ଟୁଇଟ୍ କରି ସାଂସଦ ଅପରାଜିତାଙ୍କୁ ଟାର୍ଗେଟ କଲେ ବର୍ଷା ପ୍ରିୟଦର୍ଶିନୀ । କହିଲେ, ମନ୍ଦିରକୁ ନେଇ କରନ୍ତୁନି ରାଜନୀତି ।
କନକ ବ୍ୟୁରୋ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ବିବାଦ ବଢୁଥିବା ବେଳେ ଏହି ପ୍ରସଙ୍ଗରେ ସାଂସଦ ଅପରାଜିତାଙ୍କୁ ଟୁଇଟ୍ କରି ଟାର୍ଗେଟ କରିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ନିଜ ବ୍ୟକ୍ତିଗତ ସୋସିଆଲ୍ ମିଡିଆ ଆକାଉଣ୍ଟରୁ ଏକ ପୋଷ୍ଟ ଲେଖି ବର୍ଷା ଭୁବନେଶ୍ୱର ସାଂସଦଙ୍କୁ ଟାର୍ଗେଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟୁଇଟ୍ କରି ବର୍ଷା ଲେଖିଛନ୍ତି, ଯେତେବେଳେ ବି ସେ ପୁରୀ ଯାଇଥାନ୍ତି, ସେ ମହିଳାଙ୍କ ପାଇଁ କୌଣସି ଟଏଲେଟ୍ ଦେଖିବାକୁ ପାଇନଥାନ୍ତି । ବିଭିନ୍ନ ଭକ୍ତଙ୍କଠାରୁ ମଧ୍ୟ ସେ ଏଭଳି ଅଭିଯୋଗ ଶୁଣିଛନ୍ତି । ତେଣୁ ସରକାର ଯଦି ଏହି ସୁବିଧା ପୁରୀରେ କରିବାକୁ ଚାହୁଛନ୍ତି, ତେବେ ସାଂସଦ ଅପରାଜିତା ଷଡଙ୍ଗୀଙ୍କ ଅସୁବିଧା କଣ ବୋଲି ସେ ପ୍ରଶ୍ନ କରିଛନ୍ତି ।
1/5
I am an Odia girl, whenever I go to visit Puri Srimandir, I dont find public toilets for women nearby & I have also heard similar complaints from women Bhakts visitors as well. If Government is developing facilities for pilgrims in Puri, what is your @AprajitaSarangi problem?— VARSHA PRIYADARSHINI (@VarshaPriyadar3) April 4, 2022
ଖାଲି ସେତିକି ନୁହେଁ, ମନ୍ଦିରକୁ ନେଇ ରାଜନୀତି ନକରିବାକୁ ସେ ଟୁଇଟ୍ କରିଛନ୍ତି । ଆଉ ଲେଖିଛନ୍ତି ଗୋଟିଏ ପଟେ ବଦ୍ରିନାଥ ଓ କାଶୀ ବିଶ୍ୱନାଥ ମନ୍ଦିରର ଉନ୍ନତିକରଣ ପ୍ରକଳ୍ପକୁ ସେ ପ୍ରଂଶସା କରୁଥିବାବେଳେ, ପୁରୀ ଓ ଭୁବନେଶ୍ୱର ଲିଙ୍ଗରାଜ ମନ୍ଦିର ପ୍ରକଳ୍ପକୁ ବିରୋଧ କରୁଛନ୍ତି । ଯଦି ତାଙ୍କ ଭଳି ଅନେକ ଭକ୍ତ ଏହି ସୁବିଧା ଦ୍ୱାରା ଉପକୃତ ହୋଇପାରିବେ ତେବେ ଏଥିରେ ଅସୁବିଧା କଣ ବୋଲି ବର୍ଷା ଟୁଇଟ୍ କରି ପ୍ରଶ୍ନ କରିଛନ୍ତି ।
ମୁଁ ଆପଣଙ୍କୁ ଜଣେ ବିଜ୍ଞ ରାଜନେତା ଭାବୁଥିଲି, ଯେତେବେଳେ ଆପଣ ରାଜନୀତିରେ ପ୍ରବେଶ କଲେ ସେତେବେଳେ ଆପଣ ଓଡିଶାର ବିକାଶ ପାଇଁ କାମ କରିବେ ବୋଲି ଭାବୁଥିଲି, ହେଲେ ଆପଣ ମୋତେ ନିରାଶ କଲେ ବୋଲି ବର୍ଷା ଲେଖିଛନ୍ତି । ସୂଚନାଯୋଗ୍ୟ ଯେ, ସଂସଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପ୍ରସଙ୍ଗ ଉଠିବା ପରେ ଏବେ ସାଧାରଣରେ ଏହି ପ୍ରସଙ୍ଗ ଚର୍ଚ୍ଚାର କାରଣ ପାଲଟିଛି । ରାଜନୈତିକ ବୟାନବାଜି ବି ପୁରା ପ୍ରକଳ୍ପକୁ ବିବାଦରେ ଛନ୍ଦି ପକାଇଛି । ଅନ୍ୟପଟେ ସାଂସଦ ଅପରାଜିତା ଷଡଙ୍ଗୀ ଆଜି ଏହାକୁ ନେଇ ଟୁଇଟ୍ କରିବା ପରେ ଏହାକୁ ନେଇ ରାଜନୀତି ତେଜିଛି ।