ବର୍ଷା ପ୍ରିୟଦର୍ଶିନୀ ହାଜର ହୋ… । ଛାଡପତ୍ର ମାମଲାରେ ହାଜର ହେବାକୁ ଦିଲ୍ଲୀ ପଟିଆଲା ହାଉସ କୋର୍ଟରୁ ଆସିଲା ନୋଟିସ, ଅନୁଭବ କହିଲେ ଏମିତି କଥା ।
କନକ ବ୍ୟୁରୋ : ପ୍ରାୟ ଠିକ ମାସକ ତଳେ ରାଜ୍ୟ ଗଣମାଧ୍ୟମର ଖବର ଶୀର୍ଷରେ ଯେଉଁ ପ୍ରସଙ୍ଗ ଥିଲା, ତାହା ପୁଣି ଚର୍ଚ୍ଚାକୁ ଆସିଛି । ବର୍ଷାଙ୍କ ଠାରୁ ଛାଡପତ୍ର ପାଇଁ ଯେଉଁ ପିଟିସନ ଅନୁଭବ ଦାଖଲ କରିଥିଲେ ତାର ଶୁଣାଣି ହୋଇ, ବର୍ଷାଙ୍କୁ ନୋଟିସ ଜାରି କରିଛନ୍ତି ପଟିଆଲା ହାଉସ କୋର୍ଟ । ଶୁଣାଣି ବେଳେ ଅନୁଭବଙ୍କ ଓକିଲ ଯୁକ୍ତି ରଖି କହିଥିଲେ,
– ଗତ ୭ ବର୍ଷରେ ଅନୁଭବ କେଉଁଭଳୀ ସମସ୍ୟା ସାମ୍ନା କରିଛନ୍ତି
– ଉଭୟଙ୍କ ଭିତରେ ଶାରିରୀକ ସମ୍ବନ୍ଧ ନଥିବାରୁ ବାହାଘରରେ ପୂର୍ଣ୍ଣତା ଆସିନାହିଁ
– ଏହି ଅବଧିରେ ଅନୁଭବ ଅନେକ ଶାରିରୀକ ଓ ମାନସିକ ଦୁଶ୍ଚିନ୍ତା ଦେଇ ଗତି କରିଛନ୍ତି
Kanak News is now on WhatsApp
Join and get latest news updates delivered to you via WhatsApp
ଛାଡପତ୍ର ମାମଲାରେ ପରବର୍ତ୍ତୀ ଶୁଣାଣି ଆସନ୍ତା ଡିସେମ୍ବର ୧୦ ତାରିଖରେ ହେବାକୁ ଯାଉଛି । ଆଉ ଏହି ଶୁଣାଣି ପାଇଁ ବର୍ଷାଙ୍କୁ ହାଜର ହେବାକୁ ପଡିବ ବୋଲି ଅନୁଭବଙ୍କ ଓକିଲ କହିଛନ୍ତି । ଶୁଣାଣି ପରେ ଅନୁଭବ କହିଛନ୍ତି, ସମସ୍ତଙ୍କର ଆଶୀର୍ବାଦ ତାଙ୍କ ଉପରେ ରହିଥାଉ । ଯାହା ବି ହେଉ ଭଲରେ ହେଉ । ବର୍ଷାଙ୍କ ପ୍ରତି ମୋର ସମସ୍ତ ସମ୍ମାନ ରହିଛି । କୋର୍ଟ ଯେତେବେଳେ ଯାହା କହିବେ, ତାକୁ ମାନିବି ।
ପୂର୍ବରୁ ଦିଲ୍ଲୀରେ ହୋଇଥିବା ମାମଲାକୁ କଟକକୁ ସ୍ଥାନାନ୍ତର କରିବାକୁ ବର୍ଷା ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ହେଲେ ଏହି ମାମଲର ଶୁଣାଣି ଏଯାଏଁ ହୋଇନଥିବାରୁ ବର୍ଷାଙ୍କ ପରବର୍ତୀ ପଦକ୍ଷେପ କଣ ହେବ, ତା ଉପରେ ସମସ୍ତଙ୍କ ନଜର ରହିଛି ।
ବର୍ଷା-ଅନୁଭବ । ଓଲିଉଡ ଇଣ୍ଡଷ୍ଟ୍ରୀର ବହୁଚର୍ଚ୍ଚିତ ନାଁ । ଆଉ ଉଭୟଙ୍କ ଜୀବନରେ ଉଠିଥିବା ଝଡ ଯଥେଷ୍ଟ ଚର୍ଚ୍ଚା ସାଉଁଟିଛି । ବିବାଦ ଯଥେଷ୍ଟ ଆଗକୁ ବଢିଯାଇଛି । ଅନୁଭବ ଅଭିଯୋଗ ଆଣୁଛନ୍ତି ଆଉ ବର୍ଷା ଜବାବ ରଖୁଛନ୍ତି । ଆଉ ବର୍ଷାଙ୍କ କ୍ୟାମ୍ପରୁ ଅଭିଯୋଗ ଆସିଲେ ମୁହଁ ଖୋଲୁଛନ୍ତି ଅନୁଭବ । ବିବାଦ, ଆଉ ଘରର ଚାରି କାନ୍ଥ ଭିତରେ ସୀମିତ ହୋଇ ରହିନାହିଁ । ମାମଲା କୋର୍ଟରେ ପହଁଚିବା ସହ ଉଭୟଙ୍କ ଜୀବନରେ ଆସିଥିବା ଝଡ ଆଉ ସମସ୍ତ ଅଭିଯୋଗକୁ ନେଇ ରାଜନୀତି ସରଗରମ ହୋଇଥିବା ବେଳେ କୋର୍ଟଙ୍କ ଆଭିମୁଖ୍ୟ ଉପରେ ସମସ୍ତଙ୍କ ନଜର ରହିଛି ।