ଥମୁନି ଅନୁଭବ-ବର୍ଷା ବିବାଦ । ସାମ୍ନାକୁ ଆସିଲା ଅସୁରକ୍ଷିତ ମନେକରି ବର୍ଷା ସୁରକ୍ଷା ମାଗିବା ଦିନର ଆଉ ଏକ ଭିଡିଓ । ଅଭିନେତ୍ରୀଙ୍କୁ ଖାଇବା ପରଷୁଛନ୍ତି ରୋଷେୟା
କନକ ବ୍ୟୁରୋ: ଅନୁଭବ-ବର୍ଷା ପାରିବାରିକ ବିବାଦ ଥମିନାହିଁ । ଯେଉଁଦନ ବର୍ଷା ଅସୁରକ୍ଷିତ ମନେକରି ପୋଲିସକୁ ଫୋନ କରି ସୁରକ୍ଷା ମାଗିଥିଲେ, ସେଦିନର ଆଉ ଏକ ଭିଡିଏ ଏବେ ସାମ୍ନାକୁ ଆସିଛି । ଏଥିରେ ବର୍ଷାଙ୍କୁ ଖାଇବାକୁ ଦେଉଛନ୍ତି ରୋଷେୟା । ଭିଡିଓରେ ରୋଷେୟା କହୁଛନ୍ତି, ପ୍ରତିଦିନ ଘରେ ଯାହା ରୋଷେଇ ହୁଏ ତାହା ଘରର ପ୍ରତିଟି ସଦସ୍ୟ ଖାଇଥାନ୍ତି । ଅନୁମାନ କରାଯାଉଛି, ପୂର୍ବରୁ ଆସିଥିବା ଭିଡିଓଟି ବର୍ଷାଙ୍କ ମୋବାଇଲରୁ ରେକର୍ଡ ହୋଇଥିବାବେଳ ଆଜିର ଭିଡିଓଟି ଅନୁଭବଙ୍କ ସହଯୋଗୀ ରେକର୍ଡ କରିଥାଇପାରନ୍ତି । ବିବାଦ ଭିତରେ ଚଳିତମାସ ୭ ତାରିଖରେ ପୁଲିସକୁ ସୁରକ୍ଷା ମାଗିଥିଲେ ବର୍ଷା ପ୍ରିୟଦର୍ଶିନୀ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ବର୍ଷାଙ୍କୁ ଖାଇବାକୁ ଦେବା ସମୟରେ ଅନୁଭବଙ୍କ ୨ ସହଯୋଗୀ, ବର୍ଷାଙ୍କ ଅନିଚ୍ଛା ସତ୍ୱେ ମୋବାଇଲରେ ଭିଡିଓ ସୁଟ କରିଥିଲେ । ଏହାକୁ ନେଇ ପୁଲିସର ସହାୟତା ଲୋଡିଥିଲେ ବର୍ଷା । ବର୍ଷା ପ୍ର୍ରିୟଦର୍ଶନୀ ସୁରକ୍ଷା ମାଗିବା ପରେ ଅନୁଭବ ମହାନ୍ତିଙ୍କ ଘରେ ପହଂଚିଥିଲା ପୁଲିସ । ବର୍ଷା ଖାଇବା ସମୟର ୨ ଜଣ ଯୁବକ ଅନୁଭବଙ୍କ କଥାରେ ଭିଓିଓ ସୁଟ କରୁଥିଲେ । ରୁମ ଭିତରକୁ ଧସେଇ ପଶିବାକୁ ଉଦ୍ୟମ କରିଥିବା ବର୍ଷାଙ୍କ ଓକିଲ କହିଥିଲେ । ଏନେଇ ବର୍ଷା ଶହେକୁ ଡାଏଲ କରି ବରିଷ୍ଠ ପୁଲିସ ଅଧିକାରୀଙ୍କୁ ଘଟଣା ବିଷୟରେ ଅବଗତ କରାଇଥିଲେ । ଏହା ପରେ ଅନୁଭବଙ୍କ ଘରେ ପୁଲିସ ପହଚିଂଥିଲା ।ପୂର୍ବରୁ ଅନୁଭବ, ବର୍ଷାଙ୍କ ସହ ରହିବେନି ବୋଲି କହିସାରିଛନ୍ତି ଓ ବିବାହ ବିଛେଦ ପାଇଁ ଦିଲ୍ଲୀ କୋର୍ଟରେ ଆବେଦନ କରିଛନ୍ତି ।
ଅନ୍ୟପକ୍ଷରେ ବର୍ଷା କିନ୍ତୁ ନିଜ ବିବାହକୁ ବଂଚାଇଥିବା କଥା କହୁଥିବା ବେଳେ କ୍ଷତିପୂରଣ ଦାବି କରି କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଦିଲ୍ଲୀର କୋର୍ଟରେ ଅନୁଭବ କରିଥିବା ମାମଲା କଟକ ଆଣିବାକୁ ବର୍ଷା ସୁପ୍ରିମକୋର୍ଟ ଯାଇଛନ୍ତି । ଆଉ ଉଭୟ ପକ୍ଷର ମାମଲା ଏବେ ବିଚାରଧୀନ ରହିଛି । ତେଣୁ କେସ୍ ଆଗକୁ କେଉଁ ମୋଡ ନେବ ତା ଉପରେ ଏବେ ସମସ୍ତଙ୍କ ନଜର ରହିଛି । ଏଭଳି ସ୍ଥିତିରେ ଅନୁଭବଙ୍କ ରାଜନୈତିକ ଜୀବନ ଆଉ ବର୍ଷାଙ୍କ ପାରିବାରିକ ଭବିଷ୍ୟତ କଣ ହେବ, ତାକୁ ନେଇ ଆରମ୍ଭ ହୋଇଛି ଆକଳନ ।