ବାରିପଦା କୋଭିଡ ହସ୍ପିଟାଲରେ ଆକ୍ରାନ୍ତଙ୍କୁ ଅବହେଳାର ଆସିଲା ସାଂଘାତିକ ଭିଡିଓ : ରୋଗୀ ଉଲଗ୍ନ ହୋଇ ଏଣେତେଣେ ପଡ଼ିଥିବାର ଫଟୋ ଓ ଭିଡିଓ ସୋସିଆଲ ମିଡ଼ିଆରେ ଭାଇରାଲ
କନକ ବ୍ୟୁରୋ : କୋଭିଡ୍ ହସ୍ପିଟାଲର ବିଭତ୍ସ ଦୃଶ୍ୟ । ବାରିପଦା କୋଭିଡ ହସ୍ପିଟାଲ ଭିତରରେ ବିକଳ ଆଉ ହୃଦୟଥରା ଦୃଶ୍ୟ ଏବେ ସୋସିଆଲ ମିଡିଆରେ ଭାଇରଲ ହେଉଛି । ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଫଟୋ ଓ ଭିଡିଓ ଯଦି ସତ ହୋଇଥାଏ, ତେବେ ସ୍ଥିତି ସାଙ୍ଘାତିକ । ଅସହାୟ ଅବସ୍ଥାରେ ଉଲଗ୍ନ ହୋଇ ରୋଗୀ ଏଣେତେଣ ପଡିଛନ୍ତି । କିଏ ଶୌଚାଳୟ ପାଖରେ ପଡିଛନ୍ତି ତ ଆଉ କିଏ ଅତି ଦୟନୀୟ ଅବସ୍ଥାରେ ବେଡ ତଳେ ପଡିଛନ୍ତି । କାହା ମୁହଁରୁ ଅକ୍ସିଜେନ୍ ବାହାରି ଯାଇଛି, ଯେ ତାକୁ ଲଗେଇବା ପାଇଁ କେହି ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
#ଏମିତି_ଚାଲିଛି_ଚିକିତ୍ସା!
କୋଭିଡ୍ ହସ୍ପିଟାଲର ବୀଭତ୍ସ ଦୃଶ୍ୟ । ଉଲଗ୍ନ ହୋଇ ପଡିଛନ୍ତି ରୋଗୀ, ମୁହଁରୁ ବାହାରି ଯାଇଛି ଅକ୍ସିଜେନ୍ । ବାରିପଦା କୋଭିଡ୍ ହସ୍ପିଟାଲ ଭିତରର ଫଟୋ ସୋସିଆଲ୍ ମିଡିଆରେ ଭାଇରାଲ । #COVID19 pic.twitter.com/fprIgVXRS9— Kanak News (@kanak_news) May 31, 2021
ଏ ବିଭତ୍ସ ଚିତ୍ର, ବାରିପଦା ବାଙ୍କିଷୋଳରେ ଥିବା କିମ୍ସ କୋଭିଡ ହସ୍ପିଟାଲର । କୁହାଯାଉଛି, ଜଣେ ବ୍ୟକ୍ତି ତାଙ୍କ ବାପାଙ୍କୁ ଏହି ହସ୍ପିଟାଲରେ ଭର୍ତି କରିବା ପାଇଁ ନେଇଥିବା ବେଳେ ଏସବୁ ଫଟୋ ଓ ଭିଡିଓ ଉତୋଳନ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଏ ସବୁ ଫଟୋ ଭିଡିଓ ଦେଖିବା ପରେ ଏହି ହସ୍ପିଟାଲ ଉପରୁ ଲୋକଙ୍କ ଭରସା ତୁଟି ଯାଉଛି । ସାରା ଜିଲ୍ଲାରେ ଅସନ୍ତୋଷ ଦେଖିବାକୁ ମିଳିଛି । ଏହି ଭିଡିଓ ଓ ଫଟୋର ସତ୍ୟତାକୁ ନେଇ ହସ୍ପିଟାଲର କୌଣସି ଅଧିକାରୀ ମୁହଁ ଖୋଲି ନଥିବା ବେଳେ ଏସବୁ ସତ ବୋଲି ଦାବି କରିଛନ୍ତି ଭଂଜସେନା କାର୍ଯ୍ୟକାରୀ ଉପାଧ୍ୟକ୍ଷ ରାକେଶ ସିଂ ।
ବାରିପଦା କିମ୍ସ ହସ୍ପିଟାଲରେ ରୋଗୀ ସେବା ନାଁରେ କେବଳ ସରକାରୀ ଅର୍ଥ ହରିଲୁଟ୍ କରାଯାଉଥିବା ବେଳେ ରୋଗୀଙ୍କୁ ମୃତ୍ୟୁ ମୁଖକୁ ଠେଲି ଦିଆଯାଉଛି ବୋଲି ସେ ଅଭିଯୋଗ କରିଛନ୍ତି । ଏହାର ତଦନ୍ତ କରି ସଂପୃକ୍ତ କୋଭିଡ ହସ୍ପିଟାଲ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି । ସେପଟେ ଏ ସବୁ ଫଟୋ ଓ ଭିଡିଓର ସତ୍ୟାସତ ନେଇ ତଦନ୍ତ କରାଯିବ ବୋଲି ଜିଲ୍ଲାପାଳ କହିଛନ୍ତି ।