କନକ ବ୍ୟୁରୋ: ବାଙ୍କିରେ ମାତିଛି ପାଗଳ ବାରାହା। ଚନ୍ଦକା ଡମପଡା ଅଭୟାରଣ୍ୟର ଉପକଣ୍ଠ ଅଂଚଳରେ ଦେଖାଦେଇଛି ବାରାହା ଆତଙ୍କ । ଡମପଡା ବ୍ଲକର ଦୁଲଣାପୁର ଗାଁରେ ଏକ ପାଗଳ ବାରହା ଆକ୍ରମଣରେ ୮ଜଣ ଗୁରୁତର ହୋଇଛନ୍ତି । ଆହାତଙ୍କୁ ମେଡିକାଲରେ ଭର୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ବାରାହାକୁ ଧରିବାରେ ବନ ବିଭାଗ ଫେଲ୍ ମାରିବା ପରେ ରାତି ଉଜାଗର ହୋଇ ହାତରେ ଠେଙ୍ଗା ଧରି ଓ ଟାୟାର ଜାଳି ବାରାହା ଘଉଡାଇବା ପାଇଁ ଲାଗି ପଡିଛନ୍ତି ଗ୍ରାମବାସୀ । ୪ଦିନ ହେଲା ବାଙ୍କି ଅଂଚଳରେ ଲାଗି ରହିିଛି ବାଙ୍କି ଅଂଚଳରେ ଏଭଳି ଭୟର ବାତାବରଣ । ବାରମ୍ବାର ଏଭଳି ଘଟଣା ଘଟୁଥିଲେ ବି ବନବିଭାଗ ଚୁପ୍ ବସିଥିବା ଅଭିଯୋଗ କରିଛନ୍ତି ଗ୍ରାମବାସୀ ।