ବିନା କଟନି ଛଟନିରେ ମଣ୍ଡିରେ ବିକ୍ରି ହେଉନି ଧାନ । ବରଗଡ ପଦ୍ମପୁରରେ ଦଲାଲ ସକ୍ରିୟ । ମିଲର ଏଜେଣ୍ଟଙ୍କୁ ବିକିଲେ କଟନିଛଟନି ହେବନି ବୋଲି କରାଯାଉଛି ଅପପ୍ରଚାର
କନକ ବ୍ୟୁରୋ: ବରଗଡ ପଦ୍ମପୁରରେ ବିନା କଟନି ଛଟନିରେ ମଣ୍ଡିରୁ ଉଠୁନି ଧାନ । ଅଧିକାଂଶ ମଣ୍ଡିରେ ମିଲର, ଧାନ କିଣୁଥିବା ସଂସ୍ଥା ଚାଷୀଙ୍କ ଧାନରୁ ଦୁଇରୁ ତିନି କିଲୋ ଧାନ କଟନି , ଛଟନି କରୁଛନ୍ତି । ଏହାର ସୁଯୋଗ ନେଇ ଦଲାଲ ସକ୍ରିୟ ହୋଇଛନ୍ତି । ଅନ୍ୟପଟେ ମିଲର ଏଜେଂଟଙ୍କୁ ବିକିଲେ କଟନିଛଟନି ହେବ ନାହିଁ ବୋଲି କରାଯାଉଛି ଅପପ୍ରଚାର । ଫଳରେ ଅଭାବି ବିକ୍ରିର ଶିକାର ହେବା ସହ ବାଧ୍ୟ ହୋଇ କମ୍ ଦରରେ ଧାନ ବିକୁଛନ୍ତି ଚାଷୀ । ଏହାକୁ ନେଇ ପଦ୍ମପୁର ଅଂଚଳର ଚାଷୀଙ୍କ ମଧ୍ୟରେ ତୀବ୍ର ଅସେନ୍ତାଷ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଧାନ ଅମଳ ପରେ ଏବେ ବିକ୍ରି ସମୟ, ସେଥିପାଇଁ ସରକାର ସିଧାସଳଖ ମଣ୍ଡିରେ ସରକାରୀ ଦାମରେ ବିକ୍ରି କରିବା ପାଇଁ ଚାଷୀଙ୍କୁ ପରାମର୍ଶ ଦେଇଛନ୍ତି । ହେଲେ ପଦ୍ମପୁର ଉପଖଣ୍ଡ ଅଂଚଳରେ ଚାଲିଛି ଦଲାଲ ରାଜ ଓ ମିଲର ଏଜେଂଟଙ୍କ ରାଜ । ଚାଷୀ ମଣ୍ଡିରେ ଧାନ ନବିକି ସିଧାସଳଖ ମିଲକୁ ନେଇ ଧାନ ବିକିଲେ ବେଶି କଟନି ଛଟନି ହେବନାହିଁ ବୋଲି ଏକ ଅପପ୍ରଚାର ଯୋଗୁଁ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଅଧିକାଂଶ ମଣ୍ଡିରେ ମିଲର , ଧାନ କିଣୁଥିବା ସଂସ୍ଥା ଓ ଚାଷୀଙ୍କ ମଧ୍ୟରେ କାଥାବାର୍ତା ହୋଇ ଦୁଇରୁ ତିନି କିଲୋ କଟନି, ଛଟନି କରାଯାଇ ଧାନ କିଣାଯାଉଛି ।
ଅନ୍ୟପଟେ ଅଂଚଳର ଅଧିକଂଶ ଚାଷୀ ଏଭଳି ହଇରାଣ ହେଉଥିବାରୁ ଶାଗମାଛ ଦରରେ ଧାନ ନେଇ ଅସାଧୁ ବେପାରୀଙ୍କୁ ନେଇ ଧାନ ବିକ୍ରି କରୁଥିବା ଜଣାପଡିଛି । ଧାନରେ କଟନି ନ ଦେଲେ ଦୀର୍ଘଦୀନ ଧରି ମଣ୍ଡିରେ ଧାନ ପଡି ରହୁଛି । ଏବଂ ଯେଉଁ ଚାଷୀ କଟନି ଦେଉଛନ୍ତି ତାଙ୍କ ଧାନ ଶିଘ୍ର ବିକ୍ରି ହେଉଛି । ବିନା ସରକାରୀ ଲାଇସେନ୍ସରେ ଖୋଲାଖୋଲି ଭାବେ ଲୋକଙ୍କଠାରୁ ଧାନ କିଣି ମାଲାମାଲ ହେଉଛନ୍ତି ଏହି ଦଲାଲ ମାନେ । ସେପଟେ ଟଙ୍କା ଅଭାବ ତଥା ବ୍ୟକ୍ତିଗତ କାରଣ ଯୋଗୁଁ ଚାଷୀ ବାଧ୍ୟ ହୋଇ ମିଲର୍ସଙ୍କ ପ୍ରସ୍ଥାବରେ ରାଜି ହୋଇ କଟନି ଦେଇ ଧାନ ବିକ୍ରି କରୁଥିବା ଚାଷୀ କହିଛନ୍ତି । ଏ ବିଷୟରେ ସହକାରୀ ଯୋଗାଣ ଅଧିକାରୀ ଶ୍ରୀ ଶମ୍ଭୁପ୍ରସାଦ ହରାପାଳଙ୍କୁ ପଚରାଯିବାରୁ କଟନିକୁ ପ୍ରଶୟ ଦିଆଯିବ ନାହିଁ ତଥା ଯଦି କୌଣସି ସ୍ଥାନରେ କଟନି କରି ଚାଷୀଙ୍କୁ ହଇରାଣ କରାଯାଉଥାଏ ତେବେ ଦୃଢ କାର୍ଯ୍ୟାନୂଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।