କନକ ବ୍ୟୁରୋ : ବାର କାଉଁସିଲ ଅଫ୍ ଇଣ୍ଡିଆ ଶୁକ୍ରବାର ଦିନ ସୁପ୍ରିମକୋର୍ଟଙ୍କୁ ସୂଚନା ଦେଇ କହିଛନ୍ତି କି, ଓକିଲମନେ ଧର୍ମଘଟକୁ ଯିବା ଉପରେ ରୋକ ଲଗାଇବା ଓ ଅଦାଲତ ବହିସ୍କାର କରିବା କ୍ଷେତ୍ରରେ ପ୍ରତିବନ୍ଧକ ଲଗାଇବାକୁ ବାର କାଉଁସିଲ ନୂଆ ନିୟମ ପ୍ରସ୍ତୁତ କରୁଛି । ବିସିଆଇ କହିଛି କି ଏହା ସହିତ ନିୟମ ଉଳଙ୍ଘନ କରୁଥିବା ଓକିଲ ସୋସିଆଲ ମିଡିଆ ମଧ୍ୟମରେ ଧର୍ମଘଟକୁ ପ୍ରୋତ୍ସାହିତ କରୁଥିବା ଓକିଲଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ଏହି ଆଇନରେ ବି ପ୍ରସ୍ତାବ ରଖା ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିସିଆଇର ଅଧ୍ୟକ୍ଷ ତଥା ବରିଷ୍ଠ ଓକିଲ ମନନ କୁମାର ମିଶ୍ରା ଜଷ୍ଟସି ଡିୱାଇ ଚନ୍ଦ୍ରଚୁଡ ଓ ଜଷ୍ଟସି ଏମଆର ଶାହାଙ୍କ ଖଣ୍ଡପୀଠକୁ କହିଛନ୍ତି କି, ସେ ଏ ବାବଦରେ ସବୁ ବାର କାଉଁସିଲ ସହିତ ବୈଠକ କରିଛନ୍ତି । ଏହାସହ ସେ ଏଭଳି ଧର୍ମଘଟ ଓ ବହିସ୍କାରକୁ ରୋକିବାକୁ ନିୟମ ପ୍ରସ୍ତୁତ କରୁଛନ୍ତି । ବାର ଆସୋସିଏସନର ସଦସ୍ୟମାନେ ଯଦି କିଛି ବିନା ବଡ କାରଣରୁ ଧର୍ମଘଟକୁ ଯାଆନ୍ତି ତେବେ ସେମାନଙ୍କୁ ରୋକିବା ଓ ଦଣ୍ଡିତ କରିବା ଉପରେ ବି ନିୟମ ପ୍ରସ୍ତୁତ କରାଯାଉଛି ।
Bar Council of India (BCI) tells Supreme Court that it will frame rules to punish those lawyers who allegedly indulged in strikes, provoked lawyers through social media to abstain from work and refused to attend court proceedings pic.twitter.com/yQZkmxo0qN
— ANI (@ANI) August 27, 2021
ମୁଖ୍ୟତ ସୁପ୍ରିମକୋର୍ଟ ବାର କାଉଁସିଲ ଅଫ୍ ଇଣ୍ଡିଆ ଓ ସବୁ ରାଜ୍ୟ ବାର କାଉଁସିଲକୁ ଏହି ସମସ୍ୟାରୁ ଉଦ୍ଧାର ପାଇବା ପାଇଁ ପରାମର୍ଶ ମାଗିଥିଲେ । ଏବେ ଏହାର ଜବାବରେ ବାର କାଉଁସିଲ ଅଫ୍ ଇଣ୍ଡିଆର ଅଧ୍ୟକ୍ଷ ମନନ କୁମାର ମିଶ୍ରା କୋର୍ଟଙ୍କୁ ସୂଚନା ଦେଇ କହିଛନ୍ତି କି ସେ ସବୁ ଷ୍ଟେଟ ବାର କାଉଁସିଲ ସହିତ ବୈଠକ କରିଛନ୍ତି । ଏହି ବୈଠକଗୁଡିକରେ ସର୍ବ ସମ୍ମତିକ୍ରମେ ଓକିଲ ମାନଙ୍କ ବିନା କାରଣରେ ଧର୍ମଘଟକୁ ଯିବା ଓ ଅଦାଲତ ବହିସ୍କାର କରିବା ଭଳି ଘଟଣାକୁ ରୋକିବା ପାଇଁ ଆଇନ ଆଣିବାକୁ ସମର୍ଥନ ଜଣାଇଛନ୍ତି ।