ଲଗାତାର ୪ ଦିନ ବନ୍ଦ ରହିବ ବ୍ୟାଙ୍କ । ଜରୁରୀ କାମ ଶୀଘ୍ର ସାରନ୍ତୁ ।

କନକ ବ୍ୟୁରୋ: ଚଳିତ ମାସରେ ଲଗାତାର ୪ ଦିନ ପାଇଁ ବନ୍ଦ ରହିବ ସମସ୍ତ ବ୍ୟାଙ୍କ । ବ୍ୟାଙ୍କ ସେବା ବନ୍ଦ କାରଣରୁ ଗ୍ରାହକଙ୍କ ଉପରେ ଏହା ବିଶେଷ ପ୍ରଭାବ ପକାଇପାରେ । ତେଣୁ ଜରୁରୀ କାମ ଥିଲେ ଯଥାଶୀଘ୍ର ସାରିଦିଅନ୍ତୁ । ତେବେ ଜାଣନ୍ତୁ କେଉଁ କେଉଁ ଦିନ ବନ୍ଦ ରହିବ ବ୍ୟାଙ୍କ ସେବା ।

ଏପ୍ରିଲ ୧୪ ତାରିଖ ପୂର୍ବରୁ ଆପଣଙ୍କ ସମସ୍ତ ବ୍ୟାଙ୍କ ସମ୍ପର୍କିତ କାମ ଶେଷ କରିବାକୁ ଚେଷ୍ଟା କରନ୍ତୁ । କାରଣ ୧୪ ତାରିଖରୁ ୧୭ ତାରିଖ ଯାଏଁ ଦେଶରେ ବ୍ୟାଙ୍କ ସେବା କ୍ରମାଗତ ବନ୍ଦ ରହିବ । ଏପରି ଛୁଟି ନିଷ୍ପତ୍ତି ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ଘୋଷଣା ହୋଇଛି । ଏପ୍ରିଲ ୧୪ ତାରିଖରେ ଆମ୍ବେଦକରଙ୍କ ଜୟନ୍ତି ହୋଇଥିବାରୁ ଏହା ଏକ ଜାତୀୟ ଛୁଟି ଦିନ । ଏପ୍ରିଲ ୧୫ ତାରିଖ ହେଉଛି ଗୁଡ୍ ଫ୍ରାଇଡେ । ଏପ୍ରିଲ ୧୬ ତାରିଖ ହେଉଛି ମାସର ତୃତୀୟ ଶନିବାର । ଯଦିଓ ତୃତୀୟ ଶନିବାର ବ୍ୟାଙ୍କ ସେବା ବନ୍ଦ ରୁହେନାହିଁ କିନ୍ତୁ ଏହି ଦିନ ଆସାମର ପ୍ରସିଦ୍ଧ ବିହୁ ପର୍ବ ପଡୁଥିବାରୁ ଏପ୍ରିଲ ୧୬ରେ ମଧ୍ୟ ବ୍ୟାଙ୍କ ବନ୍ଦ ରହିବ ବୋଲି କୁହାଯାଇଛି । ଏହାସହ ଏପ୍ରିଲ ୧୭ ତାରିଖ ରବିବାର । ତେଣୁ ଲଗାତାର ୪ ଦିନ ଛୁଟି ପଡୁଥିବାରୁ ବ୍ୟାଙ୍କ ସେବା ଯେହେତୁ ବନ୍ଦ ରହିବ ତେଣୁ ଆପଣଙ୍କ କୌଣସି ଜରୁରୀ ବ୍ୟାଙ୍କ କାମ ଥିଲେ ଯଥାଶୀଘ୍ର ସାରିବାକୁ ଭୁଲନ୍ତୁ ନାହିଁ ।