କନକ ବ୍ୟୁରୋ : ବିଶେଷ କରି ଅଗଷ୍ଟ ମାସରେ ପର୍ବପର୍ବାଣୀ ପାଇଁ ସର୍ବାଧିକ ଛୁଟି ରହିଥାଏ । ଯଦି ବ୍ୟାଙ୍କ ସହିତ ଜଡିତ ଆପଣଙ୍କ କିଛି କାମ ବାକି ରହିଛି ତେବେ ଏହି ଖବର ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ । ଆଜି ରାକ୍ଷୀ ପୂର୍ଣ୍ଣମୀ ପାଇଁ ବ୍ୟାଙ୍କ ବନ୍ଦ ରହିଥିବା ବେଳେ ଆଗାମୀ ୬ ଦିନ ପର୍ଯ୍ୟନ୍ତ ଲଗାତର ବ୍ୟାଙ୍କ ବନ୍ଦ ରହିବ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ରିଜର୍ଭ ବ୍ୟାଙ୍କର ଛୁଟି ଘୋଷଣା ମୁତାବକ ଅଗଷ୍ଟ ମାସରେ ୧୫ ଦିନରୁ ଅଧିକ ବ୍ୟାଙ୍କ ଛୁଟି ରହିବ ।ଏହା ମଧ୍ୟରେ ରବିବାର ଓ ମାସର ଚତୁର୍ଥ ଶନିବାର ମଧ୍ୟ ଅର୍ନ୍ତଭୂକ୍ତ ରହିଛି । ଏହି କ୍ରମରେ ଅଗଷ୍ଟ ୧୧ ତାରିଖରୁ କ୍ରମାଗତ ଭାବେ ୧୬ ତାରିଖ ପର୍ଯ୍ୟନ୍ତ ବ୍ୟାଙ୍କ ଛୁଟି ରହିବ । ୧୧ ଓ ୧୨ ତାରିଖ ରାକ୍ଷୀ ପୂର୍ଣ୍ଣମୀ ପାଇଁ ବ୍ୟାଙ୍କ ବନ୍ଦ ରହୁଥିବା ବେଳେ ଅଗଷ୍ଟ ୧୩ ତାରିଖ ଦେଶଭକ୍ତି ଦିବସ ପାଇଁ ବ୍ୟାଙ୍କ ବନ୍ଦ ରହିବ । ଅନ୍ୟପଟେ ଅଗଷ୍ଟ ୧୪ ତାରିଖ ରବିବାର ପଡୁଥିବାରୁ ବ୍ୟାଙ୍କ ବନ୍ଦ ରହୁଥିବା ବେଳେ ୧୫ ତାରିଖ ସ୍ୱାଧୀନତା ଦିବସ ଅବସରରେ ବ୍ୟାଙ୍କ ବନ୍ଦ ରହିବ । ସେହିଭଳି ଅଗଷ୍ଟ ୧୬ ତାରିଖ ପାର୍ସୀ ନବବର୍ଷ ଅବସରରେ ବି ବ୍ୟାଙ୍କ ବନ୍ଦ ରହିବ ।