କନକ ବ୍ୟୁରୋ : ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଭାରତୀୟ ବ୍ୟାଙ୍କ ସଂଘ (ଆଇବିଏ) ସାରା ଦେଶର ବ୍ୟାଙ୍କ ମାନଙ୍କୁ କାର୍ଯ୍ୟ ନିର୍ଘଣ୍ଟ କମ୍ କରିବାକୁ ପରାମର୍ଶ ଦେଇଛି । ଆଇବିଏର ପରାମର୍ଶ ମୁତାବକ କେବଳ ସକାଳ ୧୦ ଟାରୁ ଦିନ ୨ ଟା ପର୍ଯ୍ୟନ୍ତ ବ୍ୟାଙ୍କ ଖୋଲା ରହିବ । ବ୍ୟାଙ୍କ କର୍ମଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଗତମାସ ରାଜ୍ୟସ୍ତରୀୟ ବ୍ୟାଙ୍କର୍ସ ସମିତିର ସଂଯୋଜକ କହିଥିଲେ କି ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ବ୍ୟାଙ୍କ ଶାଖା ମାନଙ୍କର ମାନକ ପରିଚାଳନା ପ୍ରକ୍ରିୟା (ଏସ୍ .ଓ.ପି) ର ପରିବର୍ତ୍ତନ କରାଯାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ନିର୍ଦ୍ଦେଶ ଆସିବା ପରେ ଦେଶର ସବୁଠାରୁ ବଡ ବ୍ୟାଙ୍କ୍ ‘ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ’ ସହିତ ଅନ୍ୟ ସରକାରୀ ଓ ଘରୋଇ ବ୍ୟାଙ୍କମାନେ ଏହି ନିୟମ ଲାଗୁ କରିଦେଇଛନ୍ତି । କହିରଖୁ କି ରାଜ୍ୟମାନଙ୍କରେ କରୋନାର ସ୍ଥିତି ଅନୁଧ୍ୟାନ କରି ରାଜ୍ୟ ବ୍ୟାଙ୍କର୍ସ ସମିତି କେଉଁ କେଉଁ କ୍ଷେତ୍ରରେ ଏହା ଲାଗୁ କରିବ ତାହା ସେମାନେ ନିଷ୍ପତ୍ତି କରିବେ । ଏହି ନିୟମ ଚଳିତମାସ ୩୧ ତାରିଖ ପର୍ଯ୍ୟନ୍ତ ବଳବତ୍ତର ରହିବ ବୋଲି କୁହାଯାଇଛି ।
ଅନ୍ୟପଟେ ବ୍ୟାଙ୍କମାନେ କେବଳ ଏହି ୪ ଟି ସେବା ବ୍ୟତୀତ ଅନ୍ୟ ସେବା ଦେବେ କି ନାହିଁ ତାହା ସେମାନଙ୍କ ଉପରେ ନିର୍ଭର କରେ । ବାଧ୍ୟତାମୂଳକ ସେବା ମଧ୍ୟରେ ରହିଛି ଟଙ୍କା ଜମା କରିବା, ଉଠାଣ କରିବା, ଚେକ୍ ସହିତ ଜଡିତ କିଛି ବି କାମ କରିବା ଓ ଡିମାଣ୍ଡ ଡ୍ରାଫ୍ଟ ସମ୍ବନ୍ଧୀୟ କାର୍ଯ୍ୟ କରିବା ।
ଅନ୍ୟପଟେ ସ୍ଥାନୀୟ ସଂକ୍ରମଣକୁ ଦୃଷ୍ଟିରେ ରଖି ବ୍ୟାଙ୍କମାନେ କେବଳ ୫୦ ପ୍ରତିଶତ କର୍ମଚାରୀରେ କାମ କରିପାରିବେ । ସମ୍ପୂର୍ଣ୍ଣ କୋଭିଡ୍ ପ୍ରୋଟକଲ ମଧ୍ୟରେ କାମ କରିବାକୁ ବ୍ୟାଙ୍କମାନଙ୍କୁ ସଂଘ ତରଫରୁ ପରାମର୍ଶ ଦିଆଯାଇଛି ।