ଜରିମାନା ଭାବେ ଜନତା ଠାରୁ କେତେ ଟଙ୍କା ଆଦାୟ କରିଛି ବ୍ୟାଙ୍କ ? ପଢ଼ନ୍ତୁ ରିପୋର୍ଟ
ସରକାରୀ ବ୍ୟାଙ୍କ କେବଳ ଗତ ସାଢ଼େ ୩ବର୍ଷରେ ୧୦ ହଜାର କୋଟି ଟଙ୍କା ଜନତା ଠାରୁ ନେଇଛନ୍ତି । ଏହି ଟଙ୍କା ଜମା ଖାତାରେ ସର୍ବନିମ୍ନ ବାଲାନ୍ସ ନରଖିବା ଓ ଏଟିଏମରୁ ଟଙ୍କା ଉଠାଣ ଉପରେ ଲାଗୁଥିବା ଚାର୍ଜ ଜରିଆରେ ନିଆଯାଇଛି । ସରକାର ଏହି ସୂଚନା ସଂସଦରେ ଦିଆଯାଇଥିବା ତଥ୍ୟରେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆକାଉଣ୍ଟରେ ଗ୍ରାହକମାନେ ସର୍ବନିମ୍ନ ଜମା ରାଶି ନରଖିବା ଏବଂ ଧାର୍ଯ୍ୟ ସୀମାଠାରୁ ଅଧିକ ଥର ଏଟିଏମରୁ ଟଙ୍କା ଉଠାଇବା ଫଳରେ ବ୍ୟାଙ୍କ ଗୁଡ଼ିକ ମୋଟ ୧୦,୩୯୧ କୋଟି ଟଙ୍କା ଜରିମାନା ଆଦାୟ କରିଛନ୍ତି। ସରକାର ସଂସଦରେ ଏହି ସୂଚନା ଦେଇଛନ୍ତି। ସର୍ବନିମ୍ନ ଜମା ନରଖିବା କାରଣରୁ ଗ୍ରାହକଙ୍କଠାରୁ ବ୍ୟାଙ୍କଗୁଡ଼ିକ ୬୨୪୬ କୋଟି ଟଙ୍କା ଆଦାୟ କରିଥିବାବେଳେ ଏଟିଏମରୁ ଧାର୍ଯ୍ୟ ସୀମାଠାରୁ ଅଧିକ ଥର ଟଙ୍କା ଉଠାଣ ବାବଦରେ ୪୧୪୫ କୋଟି ଟଙ୍କା ଆଦାୟ କରିଛନ୍ତି। ଭାରତୀୟ ଷ୍ଟେଟ ବ୍ୟାଙ୍କ ସର୍ବନିମ୍ନ ଜମା ବାବଦରେ ୨୮୯୪ କୋଟି ଏବଂ ଏଟିଏମରୁ ଧାର୍ଯ୍ୟ ସୀମାଠାରୁ ଅଧିକ ଥର ଟଙ୍କା ଉଠାଣ ବାବଦରେ ୧୫୫୪ କୋଟି ଟଙ୍କା ଆଦାୟ କରିଛି। ସର୍ବନିମ୍ନ ଜମା ନଥିବା କାରଣରୁ ପିଏନବି ୪୯୩ କୋଟି, କାନାରା ବ୍ୟାଙ୍କ ୩୫୨ କୋଟି, ସେଣ୍ଟ୍ରାଲ ବ୍ୟାଙ୍କ ୩୪୮ କୋଟି ଏବଂ ବ୍ୟାଙ୍କ ଅଫ ବରୋଦା ୩୨୮ କୋଟି ଟଙ୍କା ଆଦାୟ କରିଛନ୍ତି।