ରିଜର୍ଭ ବ୍ୟାଙ୍କର ବଡ଼ ନିଷ୍ପତ୍ତି । ମାର୍ଚ୍ଚ ୩୧ ତାରିଖ ରବିବାରରେ ଖୋଲା ରହିବ ବ୍ୟାଙ୍କ

290

କନକ ବ୍ୟୁରୋ : ଭାରତୀୟ ରିଜର୍ଭ ବ୍ୟାଙ୍କ ଏକ ବଡ ନିଷ୍ପତ୍ତି ନେଇଛି । ମାର୍ଚ୍ଚ ୩୧ ରବିବାର ଦିନ ସମସ୍ତ ବ୍ୟାଙ୍କ ଖୋଲା ରଖିବାକୁ ବ୍ୟାଙ୍କଗୁଡିକୁ ରିଜର୍ଭ ବ୍ୟାଙ୍କ ନିର୍ଦ୍ଦେଶ ଦେଇଛନ୍ତି । ଏନେଇ ରିଜର୍ଭ ବ୍ୟାଙ୍କ ତରଫରୁ ସୋସିଆଲ ମିଡିଆ ସାଇଟ୍ ଏକ୍ସରେ ସୂଚନା ଦିଆଯାଇଛି ।

ରିଜର୍ଭ ବ୍ୟାଙ୍କ କହିଛନ୍ତି କି, ମାର୍ଚ୍ଚ ୩୧ ଚଳିତ ଆର୍ଥିକ ବର୍ଷର ଶେଷ ଦିନ ହୋଇଥିଲେ ସୁଦ୍ଧା ବ୍ୟାଙ୍କ ଖୋଲା ରହିବ । ୨୦୨୩-୨୪ ଆର୍ଥିକ ବର୍ଷର ଶେଷ ଦିନରେ ହୋଇଥିବା ସମସ୍ତ ଦେଣନେଣ ଚଳିତ ବର୍ଷ ହିସାବରେ ଯିବ । ଏହାସହ ମାର୍ଚ୍ଚ ୩୧ ତାରିଖରେ ବ୍ୟାଙ୍କ ଗୁଡିକ ନିର୍ଦ୍ଧାରିତ ସମୟରେ ଖୋଲିବ ଓ ନିର୍ଦ୍ଧାରିତ ସମୟରେ ବନ୍ଦ ହେବ । ଶନିବାର ଦିନ ମଧ୍ୟ ବ୍ୟାଙ୍କ ଖୋଲା ରହିବ । ଏହା ବ୍ୟତୀତ ଏନଇଏଫଟି, ଆରଟିଜିଏସ ମାଧ୍ୟମରେ ହେଉଥିବା କାରବାର ରାତି ୧୨ଟା ଯାଏଁ ଚାଲିବ । ଏହାସହ ସରକାର ଚେକ୍ କ୍ଲିୟରିଙ୍ଗ ଉପରେ ମଧ୍ୟ ବିଶେଷ ଧ୍ୟାନ ଦେବାକୁ ବ୍ୟାଙ୍କଗୁଡିକୁ ଆରବିଆଇ ନିର୍ଦ୍ଦେଶ ଦେଇଛନ୍ତି । ହେଲେ ଷ୍ଟକ ମାର୍କେଟ ସେହିଦିନ ବନ୍ଦ ରହିବ ।

କେବଳ ବ୍ୟାଙ୍କ ନୁହେଁ ରବିବାର ଦିନ ଆୟକର ବିଭାଗର ସମସ୍ତ କାର୍ଯ୍ୟାଳୟ ମଧ୍ୟ ଖୋଲା ରହିବ । ରିଜର୍ଭ ବ୍ୟାଙ୍କ ତରଫରୁ ଗୁଡ ଫ୍ରାଇଡେ, ଶନିବାର ଓ ରବିବାର ୩ଟି ଛୁଟି ବାତିଲ କରିଛନ୍ତି ।