କୃଷି ଗ୍ରାହକଙ୍କ ସହ ଯୋଡି ହେବାକୁ ବ୍ୟାଙ୍କ ଅଫ୍ ବରୋଦାର ନିଆରା ପ୍ରୟାସ, ଭୁବନେଶ୍ୱରରେ ଉଦଘାଟିତ ହେଲା ‘ବରୋଦା କିସାନ ପଖୱାଡା’

କନକ ବ୍ୟୁରୋ : ବ୍ୟାଙ୍କ ଅଫ ବରୋଦାର ଭୁବନେଶ୍ୱର କ୍ଷେତ୍ର ପକ୍ଷରୁ ବରୋଦା କିସାନ ପଖୱାଡର ପଞ୍ଚମ ସଂସ୍କରଣ ଉଦଘାଟିତ ହୋଇଯାଇଛି । ଏଥିରେ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ଦେବଦତ୍ତ ଚାନ୍ଦ ଖୋର୍ଦ୍ଦାସ୍ଥିତ ଜୟ ରାଜଗୁରୁ ଟାଉନହଲ ଠାରେ ଏହାକୁ ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ସୋନମ ଟି ଭୁତିଆ, ‘ପାଟନା ଜୋନର ମହାପ୍ରବନ୍ଧକ ’ ଆରକେ ମହାନ୍ତି, (ଏନଡିଜିଏମ-୧, ପାଟନା ଜୋନ), ବ୍ୟାଙ୍କର ଭୁବନେଶ୍ୱର କ୍ଷେତ୍ରର କ୍ଷେତ୍ରୀୟ ମୁଖ୍ୟ ରାଜୀବ କ୍ରିଷ୍ଣା, କଟକ କ୍ଷେତ୍ରର କ୍ଷେତ୍ରୀୟ ମୁଖ୍ୟ ରଞ୍ଜିତ କୁମାରଙ୍କ ସମେତ ବ୍ୟାଙ୍କର ଶାଖା ମୁଖ୍ୟ ଓ କ୍ଷେତ୍ରୀୟ କାର୍ଯ୍ୟାଳୟର କର୍ମଚାରୀମାନେ ଉପସ୍ଥିତ ଥିଲେ । ଏହାସହ ୭୫ ଟି ସ୍ୱଂୟ ସହାୟକ ଗୋଷ୍ଠୀର ୭୫୦ ଜଣ ସଦସ୍ୟ ବି ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ । ଏହି ଅବସରରେ ଦେବଦତ୍ତ ଚାନ୍ଦ କହିଥିଲେ କି ବ୍ୟାଙ୍କ ଅଫ ବରୋଦା ଏକ ଅଗ୍ରଣୀ ରାଷ୍ଟ୍ରାୟତ ବ୍ୟାଙ୍କ । ଏହାସହ ଭାରତୀୟ କୃଷି ସଂପ୍ରଦାୟ ସହିତ ଏହା ଗଭୀର ଭାବେ ଜଡିତ ରହିଛି ବୋଲି ସେ କହିଥିଲେ ।

ବ୍ୟାଙ୍କ ଅଫ୍ ବରୋଦା ଗ୍ରାମୀଣ ଓ ଅର୍ଦ୍ଧ ସହରାଞ୍ଚଳକୁ ମୁଖ୍ୟ ବ୍ୟାଙ୍କିଙ୍ଗ୍ ସୂତ୍ରସହ ସଂଯୁକ୍ତ କରିବା ଓ କୃଷି କାର୍ଯ୍ୟରେ ସକ୍ଷମ କରିବାରେ ବୃଦ୍ଧି କରିଥାଏ ବୋଲି ସେ ପ୍ରକାଶ କରିଥିଲେ । ବରୋଦା କିସାନ ପଖୱାଡା ବ୍ୟାଙ୍କିଙ୍ଗ ଇଣ୍ଡଷ୍ଟ୍ରିଜର ଏକ ନିଆରା ପଦକ୍ଷେପ, ଯାହା କୃଷି ଗ୍ରାହକଙ୍କ ସହ ବ୍ୟାଙ୍କର ସଂପର୍କକୁ ମଜବୁତ କରିଥାଏ ।

ଏହି କାର୍ଯ୍ୟକ୍ରମ ଅବସରରେ ସ୍ୱଂୟ ସହାୟକ ଗୋଷ୍ଠୀ ଓ ଅନ୍ୟାନ୍ୟ କୃଷି ଭିତ୍ତିକ କାର୍ଯ୍ୟ ନିମନ୍ତେ ବ୍ୟାଙ୍କ ପକ୍ଷରୁ ୫୧ କୋଟି ଟଙ୍କା ଋଣ ବିତରଣ କରାଯାଇଥିଲା । ୨୦୧୮ ମସିହାରୁ ଆରମ୍ଭ ହୋଇଥିବା କିସାନ ପଖୱାଡା କୃଷି ସଂପ୍ରଦାୟ ସହ ଜଡିତ ହେବା ଏବଂ ବ୍ୟାଙ୍କ ଦ୍ୱାରା ପ୍ରଦାନ କରାଯାଇଥିବା ବିଭିନ୍ନ ଉତ୍ପାଦ ଓ ଯୋଜନା ବାବଦରେ ସଚେତନତା ସୃଷ୍ଟି କରବା ପ୍ଲାଟଫର୍ମ ସୃଷ୍ଟି କରାଯାଇଛି ।

ବ୍ୟାଙ୍କ ଅଫ୍ ବରୋଦାର ‘ବରୋଦା କିସାନ ପଖୱାଡା’ କାର୍ଯ୍ୟକ୍ରମ ମାଧ୍ୟମରେ ୪.୫ ଲକ୍ଷ କୃଷକଙ୍କ ପାଖରେ ପହଂଚିବାକୁ ଲକ୍ଷ୍ୟ ରଖିଛି । ଚଳିତ ବର୍ଷ ଏହି କିସାନ ପାଖୱାଡା କାର୍ଯ୍ୟକ୍ରମରେ କଟକ ଓ ଭୁବନେଶ୍ୱର ଶାଖା ଯୋଗ ଦେଇଥିଲେ । ଏଥିରେ କୃଷକ ସମ୍ମିଳନୀ, ଚୌପାଲ, ମୃକା ପରୀକ୍ଷଣ ଶିବିର, ଗୋରୁଙ୍କ ସ୍ୱାସ୍ଥ୍ୟ ଯାଂଚ ଶିବିର ଆଦି ବିଭିନ୍ନ କାର୍ଯ୍ୟକ୍ରମ ଅଧିକରୁ ଅଧିକ ସଂଖ୍ୟକ ଗ୍ରାହକଙ୍କ ପାଖରେ ପହଂଚାଇବାକୁ ଆୟୋଜନ କରାଯାଇଥିଲା ।