କରୋନା କାଳରେ କେନ୍ଦ୍ରର କଡା ନିର୍ଦ୍ଦେଶ: ଏଣିକି ମନଇଚ୍ଛା କରିପାରିବେ ଡିଜିଟାଲ୍ କାରବାର…ଟ୍ରାନଜାକ୍ସନ ଉପରେ ଆଉ ଲାଗିବନି ଚାର୍ଜ ! ଆର୍ଥିକ ଦେଣନେଣରେ ଗ୍ରାହକଙ୍କୁ ଏବେ ଆଉ ଦେବାକୁ ପଡିବନି କୌଣସି ବି ଟ୍ୟାକ୍ସ
ଚାର୍ଜ ଆଳରେ ପଇସା କାଟିଲେ ବ୍ୟାଙ୍କ ବିରୁଦ୍ଧରେ ହେବ କାର୍ଯ୍ୟାନୁଷ୍ଠାନ !
କନକ ବ୍ୟୁରୋ: ଗ୍ରାହକଙ୍କ ପାଇଁ ବଡ ଖବର । ଏଣିକି ମନଇଚ୍ଛା କରିପାରିବେ ଡିଜିଟାଲ ଟ୍ରାନଜାକ୍ସନ । କାହିଁକି ନା ଅନଲାଇନ କାରବାର ଉପରେ ଲାଗୁଥିବା ଚାର୍ଜ ଉପରେ କଟକଣା ଲଗାଇଛନ୍ତି ଭାରତ ସରକାର । ଦେଶରେ ଡିଜିଟାଲ ଟ୍ରାନଜାକ୍ସନ ପାଇଁ ଲାଗୁଥିବା ମର୍ଚେଂଟ ଡିସକାଉଂଟ ରେଟ୍ ବା ଚାର୍ଜକୁ ସମାପ୍ତ କରିଛନ୍ତି କେନ୍ଦ୍ର ସରକାର । ସବୁଠୁ ବଡ କଥା ହେଉଛି କି, ଯଦି କୌଣସି ବ୍ୟାଙ୍କ ଆପଣ କରୁଥିବା ଡିଜିଟାଲ କାରବାର ଉପରେ ଏମଡିଆର ଚାର୍ଜ କିମ୍ବା ଅନ୍ୟ କୌଣସି ଫିସ୍ ଆଦାୟ କରନ୍ତୁ ତେବେ ସରକାର ସଂପୃକ୍ତ ବ୍ୟାଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କମାନକୁ ସିବିଡିଟିର ନିର୍ଦ୍ଦେଶ
ସେଂଟ୍ରାଲ ବୋର୍ଡ ଅଫ ଡାଇରେକ୍ଟ ଟ୍ୟାକ୍ସେସନ ପକ୍ଷରୁ ବ୍ୟାଙ୍କମାନଙ୍କ ପାଇଁ ଏକ ସର୍କୁଲାର ଜାରି କରାଯାଇଛି । ଏବଂ ସିବିଜିଟିର ଏହି ନୂଆ ନିର୍ଦ୍ଦେଶନାମା ଅନୁସାରେ, ଗ୍ରାହକଙ୍କ କୌଣସି ବି ଡିଜିଟାଲ ଟ୍ରାନଜାକ୍ସନ ଉପରେ ଏମଡିଆର କିମ୍ବା ଅନ୍ୟ କୌଣସି ଆର୍ଥିକ କାରାବାର ଉପରେ ଆଦାୟ କରିପାରିବେ ନାହିଁ ବ୍ୟାଙ୍କ । ଏଥିସହିତ ଇଲେକ୍ଟୋନିକ୍ ମୋଡ ଜରିଆରେ କରାଯାଉଥିବା ପେମେଂଟ ଉପରେ ଏମଡିଆର ସମେତ ଅନ୍ୟ କୌଣସି ବି ଚାର୍ଜ ଆଦାୟ ନକରିବାକୁ ନିର୍ଦ୍ଦେଶ ଦିଆଯାଇଛି । ସେହିଭଳି ୟୁପିଆଇ ସହାୟତାରେ କରାଯାଉଥିବା ପେମେଂଟ ପାଇଁ କିଛି ବ୍ୟାଙ୍କ ପକ୍ଷରୁ ଏକ ନିର୍ଧାରିତ ଲିମିଟ୍ ଟ୍ରାନଜାକ୍ସନ ପରେ ଗ୍ରାହକଙ୍କଠାରୁ ଚାର୍ଜ ଆଦାୟ କରାଯାଉଛି । ଯାହାକି ଆଇନ ସମ୍ମତ ନୁହେଁ , ଏଥିପାଇଁ ସଂପୃକ୍ତ ବ୍ୟାଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହକ କରାଯିବା ନେଇ ଭାରତ ସରକାର ନିର୍ଦ୍ଦେଶ ଦେଇଛନ୍ତି ।
ତେବେ ଏମଡିଆର ଚାର୍ଜ ହେଉଛି, ଏକ ପ୍ରକାର ଫିସ୍ ଯାହା ଦୋକାନୀ ଆପଣଙ୍କ ଡେବିଟ୍ କାର୍ଡ, କ୍ରେଡିଟ୍ କାର୍ଡ ତଥା ଅନ୍ୟ କୌଣସି ଡିଜିଟାଲ ପେମେଂଟ ଉପରେ ଆଦାୟ କରିଥାନ୍ତି । ସିଧା ଭାଷାରେ କହିଲେ ଏହା ଡେବିଟ୍ କିମ୍ବା କ୍ରେଡିଟ କାର୍ଡରୁ ପେମେଂଟ ସେବା ଉପରେ ଲାଗୁ କରାଯାଉଥିବା ଏକ ପ୍ରକାର ଫି୍ ।