କନକ ବ୍ୟୁରୋ : ବ୍ୟାଙ୍କ ଗ୍ରାହକମାନଙ୍କ ପାଇଁ ଜରୁରୀ ଖବର । ଦେଶର ବଡ ୩ ଟି ସାର୍ବଜନୀକ କ୍ଷେତ୍ରରେ ଏବେ ଆପଣଙ୍କ ପୁରୁଣା ଚେକ୍ ବୁକ୍ ଆଉ ଚଳିବ ନାହିଁ । ଯଦି ଆପଣଙ୍କର ସେହି ସବୁ ବ୍ୟାଙ୍କରେ ଆକାଉଣ୍ଟ ରହିଛି ତେବେ ତୁରନ୍ତ ଜାଣନ୍ତୁ କଣ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଦେଶରେ କିଛି ବ୍ୟାଙ୍କର ପଞ୍ଜିକରଣକୁ କ୍ୟାନସଲ କରି ସରକାର ସେହି ବ୍ୟାଙ୍କଗୁଡିକୁ ଅନ୍ୟ କିଛି ବ୍ୟାଙ୍କ ସହ ମିଶାଇ ଦେଇଛନ୍ତି । ଯାହା ଫଳରେ ଆପଣଙ୍କ ଆକାଉଣ୍ଟ ନମ୍ବରଳ ଆଇଏଫଲସସି କୋର୍ଡ,ଏମଆଇସିଆର କୋର୍ଡ ବଦଳି ଯାଇଛି । ଏହି କାରଣରୁ ବିଲୟ ହୋଇଥିବା ବ୍ୟାଙ୍କ ଚେକ୍ ଯଦି ଆପଣଙ୍କ ପାଖରେ ଥାଏ ତେବେ ତାହା ଅକ୍ଟୋବର ପହିଲା ଠାରୁ ଅଚଳ ହୋଇଯିବ ।
ଅକ୍ଟୋବର ପହିଲା ଠାରୁ ଏହି ୩ ଟି ବଡ ବ୍ୟାଙ୍କର ଚେକ୍ ବୁକ୍ ଅଚଳ ହେବାକୁ ଯାଉଛି । ତେଣୁ ଏହି ବ୍ୟାଙ୍କର ଗ୍ରାହକମାନଙ୍କୁ ପରାମର୍ଶ ଦିଆଯାଇଛି କି ତୁରନ୍ତ ସେମାନେ ସେମାନଙ୍କ ବ୍ୟାଙ୍କର ଶାଖା କାର୍ଯ୍ୟାଳୟକୁ ଯାଇ ନୂଆ ଚେକ୍ ବୁକ୍ ପାଇଁ ଆବେଦନ କରନ୍ତୁ । ଏହି ବ୍ୟାଙ୍କ ମାନଙ୍କ ମଧ୍ୟରେ ରହିଛି ଆହ୍ଲାବାଦ ବ୍ୟାଙ୍କ, ଓରିଏଣ୍ଟାଲ ବ୍ୟାଙ୍କ ଅଫ୍ କମର୍ସ ଓ ୟୁନାଇଟେଡ ବ୍ୟାଙ୍କ ଅଫ୍ ଇଣ୍ଡିଆ ର ଚେକ୍ ବୁକ୍ ଓ ଏମଆଇସିଆର ନମ୍ବର ବଦଳିବାକୁ ଯାଉଛି । ଓରିଏଣ୍ଟାଲ ବ୍ୟାଙ୍କ ଅଫ୍ କମର୍ସ ଓ ୟୁନାଇଟେଡ ବ୍ୟାଙ୍କ ଅଫ୍ ଇଣ୍ଡିଆକୁ କେନ୍ଦ୍ର ସରକାର ପଞ୍ଜାବ ନ୍ୟାସନାଲ ବ୍ୟାଙ୍କ ସହିତ ମିଶାଇ ଦିଆଯାଇଛି । ଏହା ୨୦୧୯ ଏପ୍ରିଲ ମାସ ଠାରୁ ପ୍ରଭାବୀ ହୋଇଛି ।