ଯାଜପୁରରେ ଫଶି ରହିଛନ୍ତି ବାଂଲାଦେଶୀ ଯୁବତୀ : ନିଜ ଦେଶକୁ ଫେରିଯିବା ପାଇଁ ସହଯୋଗ କରିବାକୁ ସରକାରଙ୍କୁ କଲେ ନିବେଦନ
କନକ ବ୍ୟୁରୋ : ଓଡିଶାରେ ଫଶି ରହିଛନ୍ତି ବାଂଲାଦେଶୀ ଯୁବତୀ । ନିଜ ଦେଶକୁ ଫେରି ଯିବା ପାଇଁ ସରକାରଙ୍କୁ କଲେ ନିବେଦନ । ଫେରିଯିବାକୁ ବାରମ୍ବାର ଉଦ୍ୟମ କରି ମଧ୍ୟ ଫେଲ ମାରିବାରୁ ଏମିତି ନିବେଦନ କରିଛନ୍ତି । ଅଭିଯୋଗ ଅନୁସାରେ ୩ ବର୍ଷ ତଳେ ଦଲାଲଙ୍କ ଜରିଆରେ ୨ ଲକ୍ଷ ଟଙ୍କା ପ୍ରତିବଦଳରେ ଭାରତକୁ ଆଣିଥିଲେ ଜଣେ ଦଲାଲ । ତାପରେ ଯାଜପୁର ଜିଲ୍ଲା ଧର୍ମଶାଳା ଅଂଚଳର ଅଜୟ ଦାସ ତାଙ୍କୁ କଲିକତାରେ ଦେହ ବ୍ୟବସାୟରେ ଲଗାଇଥିଲେ । କିନ୍ତୁ ପ୍ରଥମରୁ ଅରାଜି ଥିବା ବାଂଲାଦେଶୀ ଯୁବତୀ ଜଣକଙ୍କର ଅଜୟଙ୍କ ପୁଅ ସୁରଜଙ୍କ ସହ ପ୍ରେମ ସଂପର୍କ ଗଢ଼ି ଉଠିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ଦେହ ବ୍ୟବସାୟ ଜାଲରୁ ଖସି ଆସି ଦେଢ଼ ବର୍ଷ ହେବ ବାଙ୍ଗାଲୋର,ଗୁଜୁରାଟରେ ରହିବା ପରେ ଏବେ ଯାଜପୁର ଜାରକା ଅଂଚଳରୁ ଧର୍ମଶାଳା ପୁଲିସ ତାଙ୍କୁ ଉଦ୍ଧାର କରିଛି । ତେବେ ବାଙ୍ଗଲାଦେଶରେ କାମ ଅଭାବ ଥିବାରୁ ଭାରତରେ କିଛି କାମ କରି ଟଙ୍କା ରୋଜଗାର କରି ମାଆ ପାଖକୁ ପଠାଇବାକୁ ସ୍ୱପ୍ନ ଦେଖିଥିବା ଝିଅ ଆଜି ଭାଙ୍ଗି ପଡିଛି । କହିଛନ୍ତି, ଭାରତରୁ ମୁଁ ମୋ ଦେଶକୁ ଫେରିଯିବାକୁ ଚାହେଁ । ତେଣୁ ସରକାର ତାଙ୍କୁ ସହଯୋଗ କରନ୍ତୁ ବୋଲି କୋହଭରା କଣ୍ଠରେ ନିବେଦନ କରିଛନ୍ତି ବାଂଲାଦେଶୀ ଯୁବତୀ ।