ମୁକୁଳା ଡ୍ରେନରେ ଲାଗିବ ବାଉଁଶ ବ୍ୟାରିକେଡ୍ । ମୌସୁମୀ ବର୍ଷା ପୂର୍ବରୁ ସିଏମସିର ନିଷ୍ପତ୍ତି ।
କନକ ବ୍ୟୁରୋ: ଭୁବନେଶ୍ୱରରେ ଡ୍ରେନ ପାଣିରେ ଶିଶୁ ଭାସିଯିବା ଘଟଣା ପରେ ଚେଇଁ ଉଠିଛି ସିଏମସି । କଟକରେ ମଧ୍ୟ ଏକାଧିକ ମୁକୁଳା ଡ୍ରେନ ଥିବାରୁ ଚିନ୍ତାରେ ସିଏମସି । ମୁକୁଳା ଡ୍ରେନରେ କିପରି କୌଣସି ଅଘଟଣାକୁ ଏଡାଇହେବ ସେନେଇ ମେୟର, ବିଧାୟକ ଓ ଓ ସାଂସଦଙ୍କ ଉପସ୍ଥିତିରେ ହୋଇଛି ବୈଠକ ଏବଂ କୌଣସି ଅଘଟଣକୁ ରୋକିବାକୁ ସହରର ସମସ୍ତ ମୁକୁଳା ଡ୍ରେନରେ ବାଉଁଶ ବ୍ୟାରିକେଡ ଲଗାଇବାକୁ ନିଷ୍ପତ୍ତି ହୋଇଛି । ମୌସୁମୀ ବର୍ଷା ପୂର୍ବରୁ ଏହାକୁ କାର୍ଯ୍ୟକାରୀ କରାଯିବ ବୋଲି ନିଷ୍ପତ୍ତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ବର୍ଷା ଯୋଗୁଁ ସହରରେ ଜଳବନ୍ଦୀ ସମସ୍ୟାକୁ ନିୟନ୍ତ୍ରଣ କରିବାକୁ ୨୮୦ ଟି ମୋଟର ପମ୍ପକୁ ପ୍ରସ୍ତୁତ ରଖାଯାଇଛି । ଅଧିକ ମୋଟର ପମ୍ପ ଆବଶ୍ୟକ ପଡିଲେ ଅଣାଯିବା ସହ ଅଗ୍ନିଶମ ବିଭାଗର ସହାୟତା ନିଆଯିବ ବୋଲି କହିଛନ୍ତି କଟକ ମେୟର ସୁବାସ ସିଂ ।