ବାସୁଦେବପୁର ବ୍ଲକ କୁମାରପୁର ପଂଚାୟତରେ ପ୍ରିଜାଇଡିଂ ଅଫିସରକୁ ନିସ୍ତୁକ ମାଡ଼ : ଭୋଟ ବାକ୍ସ ସିଲ୍ ଖୋଲା ଥିବା ଦେଖି ତାତିଲେ ଗ୍ରାମବାସୀ

କନକ ବ୍ୟୁରୋ : ଭୋଟ ବାକ୍ସ ସିଲ ଟାମ୍ପରିଙ୍ଗ ଅଭିଯୋଗ ଆଣି ପ୍ରିଜାଇଡିଂ ଅଫିସରକୁ ମାଡ ମାରିଲେ ଉତ୍ତ୍ୟେକ୍ତ ଗ୍ରାମାବାସୀ । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ କୁମାରପୁର ପଂଚାୟତରେ ଦେଖିବାକୁ ମିଳିଛି ଏହି ଅଭାବନୀୟ ଘଟଣା । ସୂଚନା ଅନୁସାରେ କୁମାରପୁର ପଂଚାୟତର ୧୦ ନଂବର ବୁଥରେ ମତଦାନ ପରେ ଭୋଟ ବାକ୍ସକୁ ସିଲ କରାଯାଇ ଷ୍ଟ୍ରଙ୍ଗରୁମକୁ ଅଣା ଯାଉଥିଲା ।

ତେବେ ହାଇସ୍କୁଲ ନିକଟରେ ଭୋଟ ବାକ୍ସର ସିଲ୍ ଖୋଲା ଥିବା ଦେଖି ଉତ୍ତେଜିତ ହୋଇଥିଲେ ସ୍ଥାନୀୟ ଲୋକେ । ଏହା ପରେ ପ୍ରିଜାଇଡିଂ ଅଫିସରକୁ ମାଡ ମାରିବା ସହ ଉତ୍ତ୍ୟେକ୍ତ ଲୋକେ ଅଟକ ରଖିଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଂଚି ଉତ୍ତ୍ୟେକ୍ତ ଲୋକଙ୍କ କବଳରୁ ପ୍ରିଜାଇଡିଂ ଅଫିସରକୁ ଉଦ୍ଧାର କରିଛି ।