ମାଟି ତଳୁ ମିଳିଲା ଶହ ଶହ ଆଧାର କାର୍ଡ: ଡାକ କର୍ମଚାରୀଙ୍କ ଘର ପଛପଟୁ ମିଳିବା ପରେ ବଢିଲା ସନ୍ଦେହ; ଲୋକଙ୍କୁ ନଦେଇ ଘର ପଛପଟେ ପୋତି ଦେଇଥିବା ଅଭିଯୋଗ
କନକ ବ୍ୟୁରୋ: ଆଧାର କାର୍ଡକୁ ବିଭିନ୍ନ ସରକାରୀ କାର୍ଯ୍ୟରେ ବାଧ୍ୟତାମୂଳକ କରିଛନ୍ତି ସରକାର । ହେଲେ ସେହି ସରକାରୀ ଜରୁରୀ ନଥି ମିଳୁଛି ମାଟିତଳୁ । ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବାଲିଆପାଳ ଅଂଚଳରେ । ବ୍ଲକର ଯୋଗେଇ ପୋଷ୍ଟ ଅଫିସରେ କାର୍ଯ୍ୟରତ ବାଂଛାନିଧି ପରିଡାଙ୍କ ଘର ପଛପଟୁ ମିଳିଛି ଏହିଭଳି ଶହ ଶହ ଆଧାର କାର୍ଡ । ଅଭିଯୋଗ ହୋଇଛି ଲୋକଙ୍କ ନଦେଇ ଆଧାର କାର୍ଡକୁ ଘର ପଛପଟେ ମାଟିରେ ପୋତି ଦେଇଥିଲେ ବାଂଛାନିଧି ।
Kanak News is now on WhatsApp
Join and get latest news updates delivered to you via WhatsApp
କିଛିବର୍ଷ ପରେ ସେହି ସ୍ଥାନରୁ ମାଟି ବିକ୍ରି କରିବା ପାଇଁ ଖୋଳିଲା ବେଳେ ବାହାରିଛି ଏସବୁ ଆଧାର କାର୍ଡ । ଶହ ଶହ ଆଧାର କାର୍ଡ ଏଭଳି ମାଟିତଳୁ ବାହାରିବା ପରେ ସ୍ଥାନୀୟ ଲୋକଙ୍କ ଭିତରେ ଉତେଜନା ଦେଖାଦେଇଛି । ସରକାର ଡାକ ଯୋଗେ ଆଧାର କାର୍ଡ ପହଂଚାଇବା ପାଇଁ ଅଧିକ ସୁରକ୍ଷିତ ମନେ କରୁଥିବାବେଳେ ଖୋଦ ଡାକ ବିଭାଗ କର୍ମଚାରୀ ଏହାକୁ ଲୋକଙ୍କୁ ନଦେଇ ଘର ପଛପଟେ ପୋତି ଦେଇଥିବା ଅଭିଯୋଗ ହୋଇଛି । ହେଲେ ସଂପୃକ୍ତ ପୋଷ୍ଟ ଅଫିସ କର୍ମଚାରୀ କହିଛନ୍ତି. ଏହା ତାଙ୍କ ବିରୋଧରେ ଏକ ଚକ୍ରାନ୍ତ ।