ଛାତ୍ରୀର ଗଳାକାଟି ଦେଲେ ଟ୍ୟୁସନ ସାର୍ । ଜଳେଶ୍ୱରରେ ଘଟିଛି ଅଭାବନୀୟ କାଣ୍ଡ : ଗୁରୁତର ଅବସ୍ଥାରେ ଯୁକ୍ତ ୨ ଛାତ୍ରୀ ବାଲେଶ୍ୱର ମେଡିକାଲରେ ଭର୍ତି
କନକ ବ୍ୟୁରୋ : ଛାତ୍ରୀଙ୍କୁ ଟ୍ୟୁସନ ମାଷ୍ଟରଙ୍କ ମରଣାନ୍ତକ ଆକ୍ରମଣ । ଯୁକ୍ତ ଦୁଇ ପଡୁଥିବା ଛାତ୍ରୀଙ୍କୁ ହଠାତ୍ ଆକ୍ରମଣ କରିଥିଲା ତାଙ୍କର ଟ୍ୟୁସନ ମାଷ୍ଟର । ଗୋଟିଏ ଧାରୁଆ ଅସ୍ତ୍ରରେ ତାଙ୍କର ବେକକୁ କାଟି ଦେଇଥିଲା ଯୁବକ ଜଣକ । ଆକ୍ରମଣ କରିବା ପରେ ଯୁବକ ଜଣକ ଫେରାର ହୋଇଯାଇଥିବା ବେଳେ ସଂକଟାପନ୍ନ ଅବସ୍ଥାରେ ଛାତ୍ରୀ ଜଣକଙ୍କୁ ବାଲେଶ୍ୱର ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଛି । ଏନେଇ ଛାତ୍ରୀଙ୍କ ପରିବାର ଲୋକେ ଭୋଗରାଇ ଥାନାରେ ଅଭିଯୋଗ କରିଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି । ମିଳିଥିବା ସୂଚନା ଅନୁସାରେ ଦେହୁର୍ଦ୍ଦା ଗାଁର ରତନ ନାଥଙ୍କ ପୁଅ ବିଶ୍ୱଜିତ୍ ନାଥ ଦୀର୍ଘ ୪ ବର୍ଷ ଧରି ସେହି ଗାଁର ଜଣକଙ୍କ ଘରେ ଟ୍ୟୁସନ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତି ପ୍ରାୟ ୯ଟାରେ ଟ୍ୟୁସନ ସରିବା ପରେ ଛାତ୍ରୀଙ୍କ ସହ ବିଶ୍ୱଜିତ୍ କଥା ହେଉଥିଲା ଏବଂ ହଠାତ୍ ଆକ୍ରମଣ କରିବା ପରେ ସେ ଫେରାର ହୋଇଯାଇଛି । ଛାତ୍ରୀଙ୍କ ବେକରେ ଗଭୀର କ୍ଷତ ସୃଷ୍ଟି ହୋଇଛି । ଗୁରୁତର ଅବସ୍ଥାରେ ଛାତ୍ରୀ ଜଣଙ୍କୁ ପ୍ରଥମେ ଜଳେଶ୍ୱର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇଥିଲା । କିନ୍ତୁ ସ୍ୱାସ୍ଥ୍ୟ ସଂକଟାପନ୍ନ ହେବାରୁ ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଏହା ଏକତରଫା ପ୍ରେମର ପରିଣାମ ବୋଲି ଚର୍ଚ୍ଚା ହେଉଛି । ପୋଲିସ ବିଶ୍ୱଜିତଙ୍କର ମଟର ସାଇକେଲକୁ ଜବତ କରିଛି ।