ବାଲେଶ୍ୱରକୁ ଡେଇଁଲା କରୋନା । ୫୮ ବର୍ଷୀୟ ବ୍ୟକ୍ତିଙ୍କ ନମୂନା ପଜିଟିଭ୍ ଆସିବା ପରେ ୬୧ରେ ପହଁଚିଲା ଆକ୍ରାନ୍ତଙ୍କ ସଂଖ୍ୟା, ବାଲେଶ୍ୱର ନିଳିଆ ବାଗ ଅଂଚଳକୁ ଅବରୋଧ କଲା ଜିଲ୍ଲା ପ୍ରଶାସନ ।
କନକ ବ୍ୟୁରୋ: ବାଲେଶ୍ୱରରେ କରୋନା ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ସଜାଗ । ବାଲେଶ୍ୱର ନିଳିଆ ବାଗ ଅଂଚଳକୁ ଅବରୋଧ କଲା ଜିଲ୍ଲା ପ୍ରଶାସନ । ନିଳିଆବାଗ ଅଂଚଳକୁ ଜିଲ୍ଲା ପ୍ରଶାସନ କଣ୍ଟେନମେଣ୍ଟ ବା ନିଷେଧ ଅଞ୍ଚଳ ଭାବେ ଅବରୋଧ କରିଛି । ଅର୍ଥାତ ଏହି ଅଂଚଳକୁ କେହି ଯାଇପାରିବେ ନାହିଁ କିମ୍ବା ବାହାରକୁ କେହି ଆସିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ୯୬ ଘଂଟା ପରେ ଆଜି ରାଜ୍ୟରେ ଆଉ ଜଣେ କରୋନା ବା ବାଲେଶ୍ୱରରୁ ପ୍ରଥମ ପଜିଟିଭ୍ ସନ୍ଧ୍ୟାରେ ଚିହ୍ନଟ ହୋଇଥିଲେ । ଉକ୍ତ ଆକ୍ରାନ୍ତଙ୍କୁ ନେଇ ରାଜ୍ୟର ମୋଟ ଆକ୍ରାନ୍ତଙ୍କ ସଂଖ୍ୟା ୬୧ରେ ପହଁଚିଛି । ଆକ୍ରାନ୍ତ ଜଣଙ୍କ ବାଲେଶ୍ୱରର ଓ ସେ ୫୮ ବର୍ଷିୟ ପୁରୁଷ ବୋଲି ସୂଚନା ଦିଆଯାଇଛି ।
ଅନ୍ୟପଟେ ଆଜି ଆଉ ୩ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ତିନି ଜଣଙ୍କୁ ମିଶାଇ ମୋଟରେ ୨୪ ଜଣ ସୁସ୍ଥ ହୋଇଛନ୍ତି । ଏବଂ ଜଣଙ୍କର ମୃତ୍ୟୁ ହୋଇଛି । ଅର୍ଥାତ ରାଜ୍ୟରେ ବର୍ତମାନ ୩୬ ଜଣ କରୋନା ଆକ୍ରାନ୍ତ ସକ୍ରିୟ ଥିବାବେଳେ ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତେବେ ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ପରୀକ୍ଷା କରାଯାଇଥିବା ମୋଟ ୮ ହଜାର ୬୧୯ଟି ସାମ୍ପୁଲ ମଧ୍ୟରୁ ୬୧ ଜଣଙ୍କର ନମୁନାରୁ ପଜିଟିଭ୍ ଚିହ୍ନଟ ହୋଇଛି । ଯାହାକି ମୋଟ ସାମ୍ପୁଲର ଶୂନ ଦଶମିକ ସାତ ପ୍ରତିଶତ ।