ସପ୍ତାହେ ହେଲା ବାଲେଶ୍ୱର ଲକ୍ଷ୍ମଣନାଥ ଫାଟକରେ ଫସିଛନ୍ତି ୧୫ରୁ ଅଧିକ ଡ୍ରାଇଭର । କୋଲକାତାରୁ ଫେରିଥିବାରୁ ସୀମାରେ ପୁରାଇ ଦେଉନି ଜଳେଶ୍ୱର ପୋଲିସ, ଭୋକ ଉପାସରେ କଟୁଛି ଦିନ
କନକ ବ୍ୟୁରୋ: ଡିସିପି ଅଫିସରୁ ଅନୁମତି ପାଇଁ ଗାଡି ନେଇ ଯାଇଥିଲେ ପଶ୍ଚିମବଙ୍ଗ । କେନ୍ଦ୍ର ସରକାରଙ୍କ ଅଧିକାରୀଙ୍କୁ ନେଇ କଲିକତା ଯାଇ ଫେରିବା ବେଳକୁ କରୋନା ପାଇଁ ସିଲ୍ ହୋଇଯାଇଛି ରାଜ୍ୟର ସୀମା । ଜଳେଶ୍ୱରର ଲକ୍ଷ୍ମଣନାଥ ଫାଟକ ନିକଟରେ ଫସି ରହିଛନ୍ତି ୧୫ରୁ ଅଧିକ ଗାଡି ଚାଳକ । କୋଲକାତାରୁ ଫେରିଥିବାରୁ ଜଳେଶ୍ୱର ସୀମାରେ ଫସିଛନ୍ତି ଏହି ଗାଡି ଚାଳକ ମାନେ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏହି ଜଣେ ଡ୍ରାଇଭର ନୁହଁନ୍ତି ଏହିପରି ପ୍ରାୟ ୧୫ରୁ ଅଧିକ ଡ୍ରାଇଭର ଗାଡି ସହିତ ଫସି ରହିଛନ୍ତି ସୀମାରେ । ନିକଟରେ ଓଡିଶା ଫେରିବାକୁ ଆବଶ୍ୟକ କାଗଜପତ୍ର ଥିଲେ ମଧ୍ୟ ଜଳେଶ୍ୱର ପୋଲିସ ଏହାକୁ ଗ୍ରହଣ କରୁନି । ପଶ୍ଚିମବଙ୍ଗରୁ ଫେରିଥିବାରୁ ସୀମାରେ ପୁରାଇ ଦେଉନି । ସେପଟେ ଜଳେଶ୍ୱର ସୀମାରେ ଖାଦ୍ୟ ପାନୀୟ କିଛି ମଧ୍ୟ ମୁଳିନି । ଭୋକ ଉପାସରେ ସେମାନେ ପଡି ରହିଛନ୍ତି ଜଳେଶ୍ୱର ସୀମାରେ । ଏବେ କିପରି ଓଡିଶା ଫେରିବେ ସେ ନେଇ ନିବେଦନ କରିଛନ୍ତି ଗାଡି ଚାଳକମାନେ ।