ବଲାଙ୍ଗୀର ବନ୍ଦ ଡାକରା ଦେଲା ଜିଲ୍ଲା ବିଜେପି । ଆସନ୍ତାକାଲି ୧୨ ଘଣ୍ଟା ପାଇଁ ବନ୍ଦ ରହିବ ବଲାଙ୍ଗୀର ।

ନ୍ୟୁଜ୍
By Tusar Samantaray
186

କନକ ବ୍ୟୁରୋ: ବହୁଚର୍ଚ୍ଚିତ କଳାହାଣ୍ଡି ଜିଲ୍ଲା ମମିତା ମେହେର ମୃତ୍ୟୁ ମାମଲାକୁ ନେଇ ଏବେ ସାରା ରାଜ୍ୟରେ ହଇଚଇ । ବିରୋଧୀମାନେ ଏହି ଘଟଣାକୁ ନେଇ ଶାସକ ଦଳକୁ ଘେରୁଥିବାବେଳେ, ମନ୍ତ୍ରୀଙ୍କ ଇସ୍ତଫା ମଧ୍ୟ ଦାବି କରିଛନ୍ତି । ଆଉ ଏହାରି ଭିତରେ ୧୨ ଘଣ୍ଟିଆ ବଲାଙ୍ଗୀର ବନ୍ଦ ଡାକରା ଦେଇଛି ଜିଲ୍ଲା ବିଜେପି । ଆସନ୍ତାକାଲି ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବଲାଙ୍ଗୀରରେ ବନ୍ଦ ପାଳନ ହେବ ବୋଲି ଜିଲ୍ଲା ବିଜେପି ପକ୍ଷରୁ ଘୋଷଣା କରାଯାଇଛି । ତେବେ ମମିତାଙ୍କ ପରିବାରକୁ ନ୍ୟାୟ ଓ ମନ୍ତ୍ରୀଙ୍କ ବହିଷ୍କାର ଦାବିରେ ଏହି ବନ୍ଦ ଡାକରା ଦିଆଯାଇଛି ବୋଲି କୁହାଯାଇଛି ।

ସୂଚନାଯୋଗ୍ୟ ଯେ, ମମିତାଙ୍କ ମୃତ୍ୟୁ ପଛରେ ସ୍କୁଲ ମାଲିକ ଗୋବିନ୍ଦ ସାହୁଙ୍କ ହାତ ଥିଲା ବୋଲି ସ୍ପଷ୍ଟ ହୋଇଛି । ହେଲେ ଏହି ମୃତ୍ୟୁ ପଛରେ ଗୃହ ରାଜ୍ୟମନ୍ତ୍ରୀ କ୍ୟାପଟେନ୍ ଦିବ୍ୟଶଙ୍କରଙ୍କର ମଧ୍ୟ ହାତ ଥିବା ବିରୋଧୀମାନେ ଦାବି କରି ଆସୁଛନ୍ତି । ଉଭୟ ବିଜେପି ଓ କଂଗ୍ରେସ ଏହି ଘଟଣାରେ ମନ୍ତ୍ରୀଙ୍କ ଇସ୍ତଫା ଦାବି କରିଥିବାବେଳେ, ବିଜେପି ସିବିଆଇ ତଦନ୍ତ ମଧ୍ୟ ଦାବି କରିଛି । ଆଉ ତା ସହିତ ଆସନ୍ତାକାଲି ୧୨ ଘଣ୍ଟା ପାଇଁ ବିଜେପି ବଲାଙ୍ଗୀର ବନ୍ଦ ଘୋଷଣା କରିଛି ।

ସମ୍ବନ୍ଧିତ ଖବର More from author