ବଲାଙ୍ଗୀର କଣ୍ଟାବାଞ୍ଜି ସ୍ଥିତ ଶ୍ରୀଶ୍ୟାମଜୀ ରାଇସ ମିଲରେ ରେଡ୍ । ଡେଲିଭରି ପରେ ମଧ୍ୟ ଗଚ୍ଛିତ ରହିଛି କ୍ୱିଣ୍ଟାଲ ଧାନ ବସ୍ତା
କନକ ବ୍ୟୁରୋ : ବଲାଙ୍ଗୀର ଜିଲ୍ଲା ଚଳିତ ବର୍ଷ ନଭେମ୍ବର ୨୯ରୁ ଆରମ୍ଭ ହୋଇଛି ଧାନ ମଣ୍ଡି । ମଣ୍ଡି ଆରମ୍ଭରୁ ବର୍ଷା ହେବା ଫଳରେ ଧାନ କିଣା ଆରମ୍ଭ ହୋଇନଥିଲା । କିନ୍ତୁ ବିଭିନ୍ନ ମିଲଗୁଡିକରେ ମହଜୁଦ ଅଛି ହଜାର ହଜାର କ୍ୱିଂଟାଲ ଧାନ । ନିୟମ ଅନୁସାରେ, ସରକାରଙ୍କ ଧାନ ନେଇ ଚାଉଳ ଫେରାଇବା ପରେ ମିଲରେ ଧାନ ରହିବା କଥା ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ହେଲେ କଂଟାବାଂଝି ପାଖରେ ଥିବା ଶ୍ରୀ ଶ୍ୟାମଜୀ ରାଇସ ମିଲରେ ବିପୁଳ ପରିମାଣରେ ଧାନ ମହଜୁଦ ଥିବା ଖବର ମିଳିଛି । ଏହି ଖବର ପାଇ ସୋମବାର ଜିଲ୍ଲାପାଳଙ୍କ ସହ ଏକ ଟିମ ଯାଇ ଯାଂଚ କରିବା ପରେ ମିଲକୁ ସିଲ କରିଥିଲେ । ମଙ୍ଗଳବାର ଯୋଗାଣ ବିଭାଗର ସମସ୍ତ ଅଧିକାରୀ , ପାଟଣାଗଡ ଉପଜିଲ୍ଲାପାଳ ସମେତ ଅନ୍ୟ ଅଧିକାରୀ ରେଡ କରିଥିଲେ । ଉପଜିଲ୍ଲାପାଳଙ୍କ ସୂଚନା ଅନୁସାରେ, ମିଲରେ ବିପୁଳ ପରିମାଣରେ ଧାନ ମହଜୁଦ ଥିବା ଜଣାପଡିଛି । ସଂପୃକ୍ତ ମିଲକ କାଗଜପତ୍ର ଯାଂଚ କରାଯାଇଛି ।