ମମିତା ମେହର ନିଖୋଜ ମାମଲା । ଫେରାର ଅଭିଯୁକ୍ତ ଗୋବିନ୍ଦ ସାହୁ ଉପରେ ୨୦ ହଜାର ଟଙ୍କା ପୁରସ୍କାର ରାଶି ଘୋଷଣା କଲା ବଲାଙ୍ଗୀର ପୋଲିସ
କନକ ବ୍ୟୁରୋ: ସନସାଇନ୍ ପବ୍ଲିକ ସ୍କୁଲର ଅଧ୍ୟକ୍ଷା ମମିତା ମେହରଙ୍କ ଗଳିତ ମୃତଦେହ ମିଳିବା ପରେ ଏଥିରେ ଅଭିଯୂୁକ୍ତ ଥିବା ଗୋବିନ୍ଦ ସାହୁକୁ ମୋଷ୍ଟ ୱାଣ୍ଟେଡ୍ ଘୋଷଣା କଲା ବଲାଙ୍ଗୀର ପୋଲିସ । ଗୋବିନ୍ଦ ସାହୁକୁ ଧରାଇଦେଲେ ୨୦ ହଜାର ଟଙ୍କା ପୁରସ୍କାର ଦେବାକୁ ମଧ୍ୟ ଘୋଷଣା କଲା ବଲାଙ୍ଗୀର ପୋଲିସ । ବିଭିନ୍ନ ସ୍ଥାନରେ ପୋଷ୍ଟର ମାରିଛି ପୋଲିସ୍ ।ଗୋବିନ୍ଦଙ୍କ ବିରୋଧରେ ଲାଗିଥିଲା ଆପିସି ୩୬୬ ଧ।।ରା । ଏହା ସତ୍ତେ୍ୱ ବି ତାକୁ ଜେଲ ନପଠାଇ କାହିଁକି ଥାନାରେ ଅଟକ ରଖାଯାଇଥିଲା ବୋଲି ପ୍ରଶ୍ନ କରିଛନ୍ତି ବିରୋଧୀ ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ମମିତାଙ୍କୁ ଅପହରଣ ଘଟଣାରେ ଗୋବିନ୍ଦଙ୍କ ହାତ ଥିବା ସନ୍ଦେହ କରି ୧୪ ତାରିଖରେ ଉଠାଇ ଆଣିଥିଲା ପୋଲିସ । ୧୭ ତାରିଖ ଯାଏଁ ଟିିଟିଲାଗଡ ଥାନାରେ ଥିଲେ ମହାଲିଙ୍ଗ ସନସାଇନ୍ ସ୍କୁଲର ମାଲିକ ଗୋବିନ୍ଦ ସାହୁ । ଆଉ ୧୮ ତାରିଖ ହଠାତ୍ ସକାଳୁ ଖବର ଆସିଲା ଥାନାରୁ ଚମ୍ପଟ ମାରିଛନ୍ତି ଅଭିଯୁକ୍ତ ଗୋବିନ୍ଦ ସାହୁ । ଆଉ ଏହାକୁ ନେଇ ଯେତେବେଳେ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଲା ସେତେବେଳେ ପୋଲିସ ପକ୍ଷରୁ ତଦନ୍ତ ଆରମ୍ଭ କରାଯାଇଥିଲା । ପୋଲିସର ସନ୍ଧାନୀ କୁକୁର ପ୍ରଥମେ ବାରାକ ଡେଇଁ ଦୁଇଟି ବାଡ ଡେଇଁ ଥାନା ପଛପଟେ ଥିବା ରେଲୱେ ଲାଇନ ଯାଏଁ ଯାଇ ଫେରାର ହୋଇଥିଲା । ଆଉ ସନ୍ଧାନୀ କୁକୁରର ଏଭଳି ହାବଭାବ ସଂକେତ ଦେଉଥିଲା ଯେ, ରେଲୱେ ଲାଇନ ଦେଇ ଫେରାର ହୋଇଯାଇଥିଲେ ଗୋବିନ୍ଦ । ଏପରିକି ସ୍ଥାନୀୟ ଲୋକ ମଧ୍ୟ କହିଛନ୍ତି ଯେ, ଗୋବିନ୍ଦ ସାହୁ ଫେରାର ହେବା ଦିନ ରେଲୱେ ଲାଇନକୁ ଏକ ବାଇକ ଆସିଥିଲା । ବାଇକରେ ଗୋବିନ୍ଦ ସାହୁଙ୍କ ଭଳି ଦେଖାଯାଉଥିବା ଜଣେ ବ୍ୟକ୍ତି ବସି ଚାଲି ଯାଇଥିଲେ । କିନ୍ତୁ ସେହି ସମୟରେ ବିଦ୍ୟୁତ୍ କାଟ ହୋଇଥିବାରୁ ଗୋବିନ୍ଦ ସାହୁଙ୍କୁ ସ୍ପଷ୍ଟ ଭାବେ ଦେଖିପାରିନଥିଲେ । କିନ୍ତୁ ସବୁଠୁ ବଡ କଥା ହେଉଛି ଠିକ୍ ସେହି ସମୟରେ ବିଦ୍ୟୁତ୍ କାଟ କାହିଁକି ହୋଇଥିଲା । ନା ଜାଣିଶୁଣି ଯୋଜନାବଦ୍ଧ ଭାବେ ଗୋବିନ୍ଦ ସାହୁଙ୍କୁ ଥାନାରେ ଫେରାର କରାଯାଇଛି ।