ଲୋୟର ସୁକତେଲ ସହ ୩ ଦଫା ଦାବି ନେଇ ବଲାଙ୍ଗୀରରେ ଦୁଇ ଦିନିଆ ବନ୍ଦ । ଦୋକାନ ବଜାର ଗାଡି ଚଳାଚଳ ସ୍ୱାଭାବିକ, ସରକାରୀ ଅଫିସ ସମ୍ମୁଖରେ ପିକେଟିଂ
ବନ୍ଦ ଡାକରା ଦେଇଛି ବଲାଙ୍ଗୀର କ୍ରିୟାନୁଷ୍ଠାନ କମିଟି
କନକ ବ୍ୟୁରୋ: ଲୋୟର ସୁକତେଲ ପ୍ରସଙ୍ଗ ଓ ଅନ୍ୟାନ୍ୟ ଦାବିରେ ରେ ବିଭିନ୍ନ ସଙ୍ଗଠନଗୁଡିକ ଆଜିଠାରୁ ଦୁଇ ଦିନିଆ ବଲାଙ୍ଗିର ବନ୍ଦ ଡକରା ଦେଇଛନ୍ତି । ବାଇପାସ ନିର୍ମାଣ ଓ ହାଇକୋର୍ଟ ବେଂଚ ପ୍ରସଙ୍ଗ ବି ଦାବି ରଖାଯାଇଛି । ବାଲଙ୍ଗୀର କ୍ରିୟାନୁଷ୍ଠାନ କମିଟି ଓ ବିଭିନ୍ନ ସଙ୍ଗଠନ ଏହି ବନ୍ଦ ଡାକରା ଦେଇଛନ୍ତି । କଂଗ୍ରେସ ଓ ବିଜେପି ସମେତ ବିଭିନ୍ନ ଦଳ ବନ୍ଦକୁ ସମର୍ଥନ ଦେଇଛନ୍ତି । ତେବେ ଦେକାନବଜାର ଓ ଗାଡି ଚଳାଚଳ ସ୍ୱାଭାବିକ ରହିଛି । ସରକାରୀ ଅଫିସ ଓ ବ୍ୟାଙ୍କ ବନ୍ଦ ରଖିବାକୁ ନିଷ୍ପତି ହୋଇଛି । ସକାଳୁ ସକାଳୁ ଆନ୍ଦୋଳନକାରୀମାନେ ବିଭିନ୍ନ ଅଫିସ ସମ୍ମୁଖରେ ପିକେଟିଂ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ଦାବି ନେଇ ଵଲାଙ୍ଗିର ବିଭିନ୍ନ ସଙ୍ଗଠନଗୁଡିକ ଦୁଇ ଦିନିଆ ବଲାଙ୍ଗିର ବନ୍ଦ ଡାକରା ଦେଇଛନ୍ତି । କେବଳ ରାଜ୍ୟ ଓ କେନ୍ଦ୍ର ସରକାରଙ୍କ ଅଫିସ୍ , ବୀମା ଅଫିସ୍ ଓ ବ୍ୟାଙ୍କ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି। ଦୋକାନ ବଜାର, ସ୍କୁଲ,କଲେଜ ଓ ଗାଡ଼ି ଚଳାଚଳକୁ ବନ୍ଦରୁ ବାଦ ଦିଆଯାଇଛି। ଜିଲ୍ଲାର ଶତାଧିକ ସଂଗଠନ ଏହି ବନ୍ଦ ଡାକରାକୁ ସମର୍ଥନ ଜଣାଇଛନ୍ତି। ବଲାଙ୍ଗିର ଠାରେ ହାଇକୋର୍ଟର ସ୍ଥାୟୀ ବେଞ୍ଚ ଶୀଘ୍ର ପ୍ରତିଷ୍ଠା, ଲୋୟର ସୁକତେଲ ବିସ୍ଥାପିତଙ୍କୁ ଉଚିତ କ୍ଷତି ପୂରଣ ସହ ଥଇଥାନ କରି ପ୍ରକଳ୍ପ କାମ ଆରମ୍ଭ କରିବା ଏବଂ ଶୀଘ୍ର ବାଏପାସ୍ ରାସ୍ତା ନିର୍ମାଣ କରିବା ପାଇଁ ଦାବି କରି ବଲାଙ୍ଗିର କ୍ରିୟାନୁଷ୍ଠାନ କମିଟି ଆନ୍ଦୋଳନ କରୁଛନ୍ତି ।