ବାଉଁଶ ବୁଦା ଉପୁଡି ଜଣେ ମୃତ, ୪ ଗୁରୁତର । ପ୍ରବଳ ବର୍ଷା ପବନ ହେବାରୁ ଉପୁଡି ପଡିଲା ବାଉଁଶ ବୁଦା

କନକ ବ୍ୟୁରୋ : ବଲାଙ୍ଗିର ଲୋଇସିଙ୍ଗାରେ ଅଘଟଣ । ସ୍ଥାନୀୟ ବୁରଡା ଗାଁରେ ବାଉଁଶ ବୁଦା ଉପୁଡି ଜଣେ ମୃତ, ୪ ଗୁରୁତର । ଗତକାଲି ଅପରାହ୍ନରେ ବୁରଡା ଗାଁର ୩ ଜଣ ମହିଲା ୨ ଜଣ ପୁରୁଷ ବିଲକୁ କାମ ପାଇଁ ଯାଇଥିଲେ । ପ୍ରବଳ ପବନ ଓ ବର୍ଷା ହେବାରୁ ସେମାନେ ପାଖରେ ଥିବା ଏକ ଗୁହାଳରେ ଆଶ୍ରୟ ନେବା ପାଇଁ ବସିଥିଲେ । ଏହି ସମୟରେ ପାଖରେ ଥିବା ବାଉଁଶ ବୁଦା ଉପୁଡି ଘର ଉପରେ ପଡିଯାଇଥିଲା ।

ଫଳରେ ଜଣକଙ୍କର ଘଟଣାସ୍ଥଳରେ ମୃତ୍ୟୁ ଘଟିଲା ଏବଂ ୪ ଜଣ ଗୁରୁତର ଆହତ ହୋଇଥିଲେ । ମୃତକ ଜଣକ ହେଲେ ଶାନ୍ତି ମହାକୁର । ଗୁରୁତରଙ୍କୁ ବଲାଙ୍ଗିର ମେଡିକାଲରେ ଭର୍ତି କରାଯାଇଛି । ସେପଟେ କଂଟାବାଂଜିରେ ମଧ୍ୟ ପ୍ରବଳ ଝଡ ବର୍ଷା ହୋଇଛି । ଫଳରେ ବହୁ ଗଛ ଡାଳ ଭାଙ୍ଗି ରାସ୍ତାରେ ପଡିଥିବା ଦେଖିବାକୁ ମିଳିଛି ।