କନକ ବ୍ୟୁରୋ : ପାକିସ୍ତାନକୁ ଏୟାରଷ୍ଟ୍ରାଇକ୍ ଭୟ । ଟ୍ୱିଟରରେ ଦେଖିବାକୁ ମିଳିଲା ପାକିସ୍ତାନୀଙ୍କ ଡର । ପୁଲୱାମା ଆତଙ୍କବାଦୀ ଆକ୍ରମଣର କଡା ଜବାବ ଦେବା ପାଇଁ ପାକିସ୍ତାନରେ ଭାରତ ଯେଉଁ ଏୟାରଷ୍ଟ୍ରାଇକ୍ କରିଥିଲା, ତାର ଭୟ ପାକିସ୍ତାନୀଙ୍କ ହୃଦୟରେ ଆଜି ବି ଜୀବିତ ହୋଇରହିଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ କରାଚି ନିକଟ ସୀମାରେ ମଙ୍ଗଳବାର ରାତିରୁ କିଛି ଲଢୁଆ ବିମାନର ଶବ୍ଦ ଏବଂ କ୍ରମାଗତ ଭାବେ ଉଡୁଥିବା ବିମାନ ପାକିସ୍ତାନରେ ଆତଙ୍କ ସୃଷ୍ଟି କରିଛି । ଏପରିକି ବୁଧବାର ସକାଳ ଟ୍ୱିଟରରେ ପାକିସ୍ତାନ ଲୋକଙ୍କ କିଛି ଟ୍ୱିଟ୍ ମଧ୍ୟ ଦେଖିବାକୁ ମିଳିଥିଲା । ଯେଉଁଥିରେ ଲେଖାଯାଇଥିଲା, ପୁଣି ଥରେ ରାତିରେ ଭାରତ କିଛି ଗୋଟେ ବଡ ଯୋଜନା କରୁଛି ।
ପାକିସ୍ତାନର ଟ୍ୱିଟର ୟୁଜର୍ସଙ୍କ କହିବାଅନୁଯାୟୀ, ମଙ୍ଗଳବାର କରାଚି ପୂରା ଅନ୍ଧାର ହୋଇଯାଇଥିଲା । ଏବଂ ଆକାଶରେ ଲଢୁଆ ବିମାନ ଉଡୁଥିଲା । ପାକିସ୍ତାନୀ ଲେଖିଛନ୍ତି, ‘ରାତିରେ ଆମକୁ ଏମିତି ଲାଗିଲା, ଯେମିତି ବାଲାକୋଟ୍ ଏୟାରଷ୍ଟ୍ରାଇକ୍ ଭଳି ଆଉ ଏକ ଆକ୍ରମଣ କରିପାରେ ଭାରତ’ ।
ଏପରିକି ପାକିସ୍ତାନର ଜଣେ ପତ୍ରକାର ମଧ୍ୟ ଲେଖିଛନ୍ତି ଯେ, ଉଭୟ ଭାରତ ଏବଂ ପାକିସ୍ତାନ ସଫେଇ ଦେବାର ଆବଶ୍ୟକତା ରହିଛି । କାରଣ କରାଚିରେ ଅନେକ ଗୁଜବ ହେଉଥିବା ବେଳେ ଲୋକଙ୍କ ମନରେ ବି ଭୟ ସୃଷ୍ଟି ହେଉଛି ।
ତେବେ ପୁଲୱାମା ଆତଙ୍କବାଦୀ ଆକ୍ରମଣର କଡା ଜବାବ ଦେବାକୁ ଫେବୃଆରୀ ୨୬ ତାରିଖରେ ପାକିସ୍ତାନରେ ଏୟାରଷ୍ଟ୍ରାଇକ୍ କରିଥିଲା ଭାରତୀୟ ବାୟୁସେନା । ବାୟୁସେନାର ଯବାନଙ୍କ ବୀରତ୍ୱରେ ଧ୍ୱସ୍ତବିଧ୍ୱସ୍ତ ହୋଇଥିଲା ପାକିସ୍ତାନର ଆତଙ୍କୀ ଶିବିର । ଆଉ ନିପାତ ହୋଇଥିଲେ ୩୦୦ରୁ ଅଧିକ ଆତଙ୍କବାଦୀ ।