ଗରବା ଏବଂ ଡାଣ୍ଡିଆ ଉତ୍ସବରେ ଅଣହିନ୍ଦୁଙ୍କ ପ୍ରବେଶକୁ ରୋକ ଲଗାଇବେ ବଜରଙ୍ଗ ଦଳ ! ଆୟୋଜକଙ୍କୁ ଆଧାର କାର୍ଡ ଜାଞ୍ଚ୍ କରି ଲୋକଙ୍କୁ ପ୍ରବେଶ କରାଇବାକୁ ନେଇ ଦେଲେ ଚେତାବନୀ ।
ହାଇଦ୍ରାବାଦର ‘ଗରବା ଓ ଡାଣ୍ଡିଆ’ ଆୟୋଜକମାନଙ୍କୁ ଶନିବାର ବଜରଙ୍ଗ ଦଳ ତରଫରୁ କୁହାଯାଇଛି ଯେ ଅଣହିନ୍ଦୁ ସମ୍ପ୍ରଦାୟଙ୍କୁ ରୋକିବା ନିମନ୍ତେ ସେମାନେ ନବରାତ୍ର ଉତ୍ସବରେ ଅଂଶଗ୍ରହଣ କରିବାକୁ ଚାହୁଁଥିବା ବ୍ୟକ୍ତିବିଶେଷଙ୍କ ପାଇଁ ଆଧାର କାର୍ଡ ବାଧ୍ୟତାମୂଳକ କରନ୍ତୁ । ଉତ୍ସବସ୍ଥଳୀରୁ ଅଣହିନ୍ଦୁମାନଙ୍କୁ ଚିହ୍ନଟ କରିବା ପ୍ରବେଶ ପଥରେ ଆଧାର କାର୍ଡ ଯାଞ୍ଚ କରିବାକୁ ବଜରଙ୍ଗ ଦଳ ଆୟୋଜକମାନଙ୍କୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆୟୋଜକମାନଙ୍କ ପ୍ରତି ଲିଖିତ ଖୋଲାଚିଠିରେ ବଜରଙ୍ଗ ଦଳ ଦାବି କରିଛନ୍ତି ଯେ ଗତ ଦୁଇ ବର୍ଷ ହେବ ଏ ଭଳି କାର୍ୟ୍ୟକ୍ରମରେ ଅଣହିନ୍ଦୁ ଯୁବକମାନେ ପ୍ରବେଶ କରି ମହିଳା ଅଂଶଗ୍ରହଣକାରୀଙ୍କ ପ୍ରତି ଅସଦାଚରଣ କରୁଛନ୍ତି। ପୀଡ଼ିତାମାନଙ୍କୁ ଉଦ୍ଧାର କରିବାକୁ ଆସୁଥିବା ଲୋକମାନଙ୍କୁ ମଧ୍ୟ ଯୁବକମାନେ ମାରଧର କରୁଛନ୍ତି। ନିରୀହ ଝିଅମାନଙ୍କୁ ଫସାଇବାକୁ ମଧ୍ୟ ଏହି ସ୍ଥାନଗୁଡ଼ିକୁ ଦୁର୍ବୃତ୍ତମାନେ ବ୍ୟବହାର କରୁଥିବାରୁ ଲଭ୍-ଜିହାଦ୍ ମାମଲା ବଢୁଛି। ଅଣହିନ୍ଦୁମାନଙ୍କୁ ମଧ୍ୟ ଆୟୋଜକମାନେ ଜଗୁଆଳ ଭାବେ ନିଯୁକ୍ତ କରନ୍ତୁ ନାହିଁ ବୋଲି ସେମାନେ କହିଛନ୍ତି । ଉତ୍ସବସ୍ଥଳୀଗୁଡ଼ିକରେ ବଜରଙ୍ଗ ଦଳ କାର୍ୟ୍ୟକର୍ତ୍ତା ଟିମ୍ ଉପସ୍ଥିତ ରହିବେ। ଯଦି ସେଭଳି କୌଣସି ଘଟଣା ଘଟେ ଦୁର୍ବୃତ୍ତମାନଙ୍କ ପ୍ରବେଶ ରୋକିବାକୁ ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ। ଏଥିଯୋଗୁଁ କାର୍ୟ୍ୟକ୍ରମରେ ବ୍ୟାଘାତ ସୃଷ୍ଟି ହୋଇପାରେ ବୋଲି ଚିଠିରେ ଉଲ୍ଲେଖ କରାଯାଇଛି।