‘ବଗଲା’ ଜମି ବିକ୍ରି ପ୍ରସଙ୍ଗକୁ ନେଇ ଥମୁନି ବିବାଦ: ଆଜି ପୁଣି ବିଜେପି ଓ ସିପିଏମ ପକ୍ଷରୁ ଧର୍ମଶାଳା ସମ୍ମୁଖରେ ବିକ୍ଷୋଭ ପ୍ରଦର୍ଶନ; ଦାନସୂତ୍ରରେ ମିଳିଥିବା ଜମିକୁ ବେଆଇନ ଭାବେ ବିକ୍ରି କରିଦେଇଥିବା ଅଭିଯୋଗ
କନକ ବ୍ୟୁରୋ: ପୁରୀ ବଗଲା ଧର୍ମଶାଳା ଜମି ବିକ୍ରି ପ୍ରସଙ୍ଗକୁ ନେଇ ତେଜିବାରେ ଲାଗିଛି ବିବାଦ । ଆଜି ପୁଣି ବିଜେପି ଓ ସିପିଏମ ପକ୍ଷରୁ ଧର୍ମଶାଳା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଦାନସୂତ୍ରରେ ମିଳିଥିବା ଜମିକୁ ବେଆଇନ ଭାବେ ଜିଲ୍ଲାପ୍ରଶାସନ ଲଜ୍ ମାଲିକଙ୍କୁ ବିକ୍ରି କରିଦେଇଥିବା ଅଭିଯୋଗରେ ସେମାନେ ବିକ୍ଷୋଭ କରିଛନ୍ତି । ବିସ୍ଥାପିତଙ୍କୁ ଧର୍ମଶାଳା ଜମିର ୧୨ ପ୍ରତିଶତ ଦିଆଯାଇଥିବା ପ୍ରଶାସନ ପକ୍ଷରୁ ସଫେଇ ଦିଆଯିବା ପରେ ଏହାକୁ ବିରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୧୫ ବର୍ଷ ପୂର୍ବେ ୧୯୦୫ ମସିହାରେ କହ୍ନେୟା ଲାଲ ବଗଲା ଏହି ଧର୍ମଶାଳାକୁ ତୀର୍ଥଯାତ୍ରୀଙ୍କ ଉଦ୍ଦେଶ୍ୟରେ ଦାନ ଆକାରରେ ଦେଇଥିଲେ । ତେଣୁ କିଭଳି ଏହାକୁ ଲଜ ମାଲିକଙ୍କୁ ଟେକି ଦିଆଗଲା ବୋଲି ସେ ପ୍ରଶ୍ନ ଉଠାଇଛନ୍ତି । ଗତକାଲି ଜିଲ୍ଲାପ୍ରଶାସନ ପକ୍ଷରୁ କୁହାଯାଇଥିଲା, ବଗଲା ଜମି ବିକ୍ରି କରାଯାଇନାହିଁ । ଯେଉଁମାନେ ଶ୍ରୀମନ୍ଦିର ଐତିହ୍ୟ କରିଡର ପ୍ରକଳ୍ପ ପାଇଁ ଜମି ଦାନ କରିଛନ୍ତି ସେହି ବିସ୍ଥାପିତଙ୍କୁ ଏହି ଜମିର ଅଳ୍ପ ଅଂଶରେ କେବଳ ଥଇଥାନ କରାଯାଇଛି । ମୋଟ ଜମିର ମାତ୍ର ୧୨ ପ୍ରତିଶତ ଜମି ବିସ୍ଥାପିତଙ୍କ ଥଇଥାନ ପାଇଁ ବ୍ୟବହାର କରାଯିବ ।