ବଗଲା ଜମି ବିବାଦ ପ୍ରସଙ୍ଗ: ଜିଲ୍ଲା ପ୍ରଶାସନର ଜମି ବିକ୍ରୀକୁ ବିରୋଧ କରି ପୁରୀରେ ବିଜେପିର ଧାରଣା; ମାମଲା ବିଚାରାଧୀନ ଥିବା ବେଳେ ପ୍ରଶାସନ ବେଆଇନ ଭାବେ ବିକ୍ରି ପାଇଁ ଉଦ୍ୟମ କରୁଥିବା ଅଭିଯୋଗ
କନକ ବ୍ୟୁରୋ: ଶ୍ରୀକ୍ଷେତ୍ରରେ ଥିବା ବଗଲା ଧର୍ମଶାଳାର ଜମିକୁ ଘରୋଇ ଲଜ ତିଆରି ପାଇଁ ହସ୍ତାନ୍ତର ପ୍ରକ୍ରିୟା ଚାଲିଥିବା ନେଇ ଅଭିଯୋଗ ହେବା ପରେ ଆନ୍ଦୋଳନକୁ ଓହ୍ଲାଇଛି ବିଜେପି । ପୁରୀ, ବ୍ରହ୍ମଗିରି ବିଧାୟକଙ୍କ ସମେତ ଜିଲ୍ଲା ବିଜେପି ପକ୍ଷରୁ ଆଜି ପୁରୀରେ ବିକ୍ଷୋଭ ପ୍ରଦର୍ଶନ କରାଯାଇଛି । ନିଷ୍ପତିର ପୁନଃବିଚାର ପାଇଁ ଜିଲ୍ଲା ବିଜେପି ଦାବି କରିଛି । ୧୯୦୫ ମସିହାରେ ‘ବଗଲା ଧର୍ମଶାଳା’କୁ ଦାନ ସୂତ୍ରରେ ପାଇଥିଲା ଜିଲ୍ଲା ପ୍ରଶାସନ । ଏଠାରେ ଗରିବ ଲୋକଙ୍କୁ କମ୍ ମୂଲ୍ୟରେ ରହିବାର ବ୍ୟବସ୍ଥା କରିବା ଉଦ୍ଦେଶ୍ୟରେ କହ୍ନେଇଲାଲ ବଗଲା ଏହି ଦାନ କରିଥିଲେ । 
Kanak News is now on WhatsApp
Join and get latest news updates delivered to you via WhatsApp
ବର୍ତମାନ କିନ୍ତୁ ବଗଲା ଧର୍ମଶାଳାର ଜମିକୁ ଘରୋଇ ଲଜ ତିଆରି ପାଇଁ କିଛି ବ୍ୟକ୍ତିବିଶେଷଙ୍କୁ ଦେବା ନେଇ ଯୋଜନା ହେଉଥିବା ଅଭିଯୋଗ ହେଉଛି । ଧର୍ମଶାଳା ଜମି ବିକ୍ରି ପ୍ରସଙ୍ଗରେ ହାଇକୋର୍ଟରେ ଆଉ ଏକ ମାମଲା ଦାଖଲ ହୋଇଛି । ସେପଟେ ଗତକାଲି କନକନ୍ୟୁଜ ହାତରେ ଲାଗିଛି ସେଲଡିଡ୍ । ସାମ୍ନାକୁ ଆସିଛି ବଗଲା ଜମି ବିକ୍ରିର ସେଲଡିଡ୍ । ୬ ଜଣ ଲଜ୍ ମାଲିକଙ୍କୁ ହାତକାଟି ଧର୍ମଶାଳା ଜମିକୁ ଟେକି ଦେଇଛି ପ୍ରଶାସନ । ଧର୍ମଶାଳା ଜମିରେ ଧର୍ମଶାଳା କରିବା ଦାବିରେ ସ୍ୱର ମିଳାଇଛନ୍ତି ପୂର୍ବତନ ପୁରୀ ବିଧାୟକ ତଥା ବିଜେଡିର ବରିଷ୍ଠ ନେତା ମହେଶ୍ୱର ମହାନ୍ତି ।