କନକ ବ୍ୟୁରୋ : ପୁରୀ ଶ୍ରୀମନ୍ଦିର ନିକଟ ବଗଲା ଧର୍ମଶାଳା ଜମିବିକ୍ରି ମାମଲା ଦିନକୁ ଦିନ ନୂଆମୋଡ ନେଉଛି । ଏହି ମାମଲା ଏବେ ହାଇକୋର୍ଟରେ ଚାଲିଥିବା ବେଳେ ଏହାକୁ ନେଇ ପୁଣି ଏକ ନୂଆ ମାମଲା ଦାୟର କରାଯାଇଛି । ଏହି ନୂଆ ମାମଲାରେ ଆବେଦନକାରୀ ଦାବି କରିଛନ୍ତି କି ଜମିବିକ୍ରି ନେଇ ସିବିଆଇ ତଦନ୍ତ କରାଯାଉ । ଅନ୍ୟପଟେ ପୂର୍ବରୁ ଚାଲିଥିବା ୨ ଟି ମାମଲାକୁ ନେଇ ହାଇକୋର୍ଟ ସରକାରଙ୍କୁ ନୋଟିସ୍ କରିଥିବା ବେଳେ ଏହି ନୋଟିସ୍ ସରକାର ପାଇ ନାହାନ୍ତି ବୋଲି ସରକାରୀ ଓକିଲ କହିଛନ୍ତି । ଏହାକୁ ନେଇ ଆବେଦନକାରୀ କହିଛନ୍ତି କି ସରକାରଙ୍କ ନିକଟରେ ନୋଟସ୍ ଶୀଘ୍ର ପହଂଚାଯାଉ । ଏହି ମାମଲାର ପରବର୍ତ୍ତି ଶୁଣାଣି ଆସନ୍ତା ୨୬ ତାରିଖରେ ହେବ ବୋଲି କୋର୍ଟ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଶ୍ରୀମନ୍ଦିର ଚର୍ତ୍ତୁପାଶ୍ୱର ସୌନ୍ଦର୍ଯ୍ୟକରଣ ପାଇଁ ସରକାର ମନ୍ଦିର ନିକଟରେ ଥିବା ସମସ୍ତ ଉଠା ଦୋକାନ, ହୋଟେଲ, ପାନ୍ଥ ନିବାସକୁ ଉଠାଇ ଦେଇଥିଲେ । ହେଲେ ସେଠାରେ ସରକାରଙ୍କର ବଗଲା ଧର୍ମଶାଳା ନାମରେ ଏକ ଧର୍ମଶାଳା ଥିଲା । ତାହାକୁ ସରକାର ଉଠାଇ ଦେଇଥିଲେ । ହେଲେ ଏହି ବଗଲା ଧର୍ମଶାଳା ଜମିକୁ ସରକାର ସୌନ୍ଦର୍ଯ୍ୟକରଣ ନାମରେ ବିକ୍ରି କରିଦେଇଥିବା ବିରୋଧୀ ଅଭିଯୋଗ କରିଥିଲେ । ଏନେଇ ବିଜେପି ଓ କଂଗ୍ରେସ ଦୀର୍ଘଦିନ ଧରି ହୋ ହାଲ୍ଲା କରିବା ସହ ହାଇକୋର୍ଟରେ ମାମଲା ରୁଜୁ କରିଥିଲେ ।