ଆଇଆଇସି କରୋନା ପଜିଟିଭ ଚିହ୍ନଟ ପରେ କଂଟେନମେଂଟ ଜୋନ ଘୋଷଣା ହେଲା ବଡମ୍ବା ଥାନା: ଥାନାର ୭କର୍ମଚାରୀଙ୍କ ହେବ ସ୍ୱାବ ଟେଷ୍ଟ
ସଂକ୍ରମଣ ଆଶଙ୍କା ଏଡାଇବାକୁ ଗୁରୁଡି ଝାଟିଆ ଓ ଖୁଂଟୁଣୀ ଥାନାର ସମସ୍ତ କର୍ମଚାରୀଙ୍କ ମଧ୍ୟ ହେବ କରୋନା ପରୀକ୍ଷା
କନକ ବ୍ୟୁରୋ: ବଡମ୍ବା ଥାନାରେ ଆଇଆଇସି କରୋନା ପଜିଟିଭ ଚିହ୍ନଟ ହେବ ପରେ ଥାନାକୁ କଂଟେନମେଂଟ ଜୋନ ଘୋଷଣା କରାଯାଇଛି । ଏହାସହ ଥାନାର ୭ଜଣ କର୍ମଚାରୀଙ୍କ ସ୍ୱାବ ଟେଷ୍ଟ ଆଜି କରାଯିବ । ଥାନାର ଏହି ୭ଜଣ ଥଣ୍ଡା ଜରରେ ଆକ୍ରାନ୍ତ ହୋଇଛନ୍ତି । ଏହାସହ ଏସଡିପିଓ, ତାଙ୍କ ଡ୍ରାଇଭର ଓ ଆଡିସନାଲ ଏସପିଙ୍କ ଡ୍ରାଇଭରଙ୍କ ମଧ୍ୟ କରୋନା ଟେଷ୍ଟ କରାଯିବ । ସେହିପରି ଗୁରୁଡି ଝାଟିଆ ଓ ଖୁଂଟୁଣୀ ଥାନାର ସମସ୍ତ କର୍ମଚାରୀଙ୍କ ମଧ୍ୟ ସ୍ୱାବ ଟେଷ୍ଟ କରାଯିବ । ଗତକାଲି ଆଇଆଇସି କରୋନା ପିଜଟିଭ ଚିହ୍ନଟ ହେବା ପରେ ଥାନାକୁ କଂଟେନମେଂଟ ଜୋନ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ, କରୋନାର ସଂକ୍ରମଣକୁ ରୋକିବା ପାଇଁ ପ୍ରଶାସନ ଦିନରାତି ପରିଶ୍ରମ କରୁଥିବା ବେଳେ ନିୟମର ଖୋଲାଖୋଲି ଉଲଂଘନ କରୁଥିବା ନେଇ ଅଭିଯୋଗ ଆସିଛି । ଭୁବନେଶ୍ୱର ଶ୍ରୀବିହାର ଅଂଚଳରୁ ଆସିଛି ଏଭଳି ଏକ ଅଭିଯୋଗ । ଶ୍ରୀବିହାର ଅଂଚଳରେ ଏକ ଆପାର୍ଟମେଂଟ ନିର୍ମାଣ ହେଉଛି । ଆଉ ପ୍ରଶାସନର ଅଗୋଚରରେ ପଶ୍ଚିମବଙ୍ଗ ମୁର୍ଶିଦାବାଦରୁ କିଛି ଶ୍ରମିକ ଆସି ଏଠାରେ କାମ କରୁଛନ୍ତି । ଦୀର୍ଘଦିନ ହେଲା ଏମାନେ ଏହି ଆପାର୍ଟମେଂଟରେ ରହିବା ସହ କାମ କରୁଥିବା ବେଳେ ଆଖପାଖ ଅଂଚଳରେ ବୁଲାବୁଲି କରୁଛନ୍ତି ।
ପଶ୍ଚିମବଙ୍ଗରେ କରୋନାରସଂକ୍ରମଣ ଅଧିକ ରହିଥିବାରୁ ଏବଂ ଓଡିଶାକୁ ପଶ୍ଚିମବଙ୍ଗରୁ ସଂକ୍ରମଣ ବ୍ୟାପୁଥିବାରୁ ପ୍ରଶାସନ ପଦକ୍ଷେପ ନେଇଛି । ହେଲେ ଏହାର ଉଲଂଘନ ହେଉଥିବା ନେଇ ଅଭିଯୋଗ ହୋଇଛି । ନିର୍ମାଣଧୀନ ଆପାର୍ଟମେଂଟକୁ ସିଲ କରିବା ସହ ତାରି ଭିତରେ ଶ୍ରମିକ ମାନଙ୍କୁ ୧୪ ଦିନ କ୍ୱାରେନଟିନରେ ରହିବାକୁ ନିର୍ଦ୍ଦେଶ ଦିଆଯାଇଛି । ଏହି ଅବଧି ଭିତରେ ଶ୍ରମିକଙ୍କ ଠାରେ ଲକ୍ଷଣ ଦେଖାଗଲେ ସେମାନଙ୍କୁ କୋଭିଡ ହସ୍ପିଟାଲ ପଠାଯିବ ନଚେତ ଛାଡିଦିଆଯିବ ।