ହଜିବାକୁ ବସିଛି ଚାନ୍ଦୁଆ ଶିଳ୍ପ । ଚିନ୍ତାରେ ପଡିଛନ୍ତି ଚାନ୍ଦୁଆ କାରିଗର, ଚାନ୍ଦୁଆ ମାର୍କେଟ କଂପ୍ଲେକ୍ସ ପାଲଟିଛି ଭୂତକୋଠା
କନକ ବ୍ୟୁରୋ : କମୁଛି ପିପିଲି ଚାନ୍ଦୁଆର ମାନ । ନା ଆଗ ଭଳି ଆସୁଛନ୍ତି ପର୍ଯ୍ୟଟକ ନା ବିକ୍ରି ବ୍ୟବସ୍ଥା କଣ ଅଛି । ଦିନକୁ ଦିନ ଏହି ଚାନ୍ଦୁଆ ଚାହିଦା କମିଯାଉଥିବା ବେଳେ ପର୍ଯ୍ୟଟକ ବି ପିପିଲି ଭିତରକୁ ଆସୁ ନାହାନ୍ତି । ସେପଟେ ହଜାର ହଜାର ଚାନ୍ଦୁଆ କାରିଗରଙ୍କ ପାଇଁ ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ଚାନ୍ଦୁଆ ମାର୍କେଟ କଂପ୍ଲେକ୍ସ କରାଯାଇଛି । ହେଲେ ୧୦ ବର୍ଷରୁ ଅଧିକ ଦିନ ହେବ ଏହା ଏକ ଭୂତକୋଠା ହୋଇ ପଡିଥିବା ବେଳେ ଅସାମାଜିକଙ୍କ ଆଡ୍ଡାସ୍ଥଳୀ ପାଲଟିଛି । ଯାହାଫଳରେ ଚାନ୍ଦୁଆ ବଜାର ବି ଏବେ ଖାଲି ପଡିଗଲାଣି । କାରିଗର ମାନେ ମଧ୍ୟ ଏଥିରୁ ମୁହଁ ଫେରାଇ ନେଉଛନ୍ତି । ପିପିଲିରୁ ପ୍ରସିଦ୍ଧ ଚାନ୍ଦୁଆର ଚାହିଦା ଦେଶ ବିଦେଶରେ ରହିଛି । ହେଲେ ଏବ ଏହାର ଚାହିଦା କମିଥିବା ବେଳେ ବ୍ୟବସାୟ ବି ସୀମିତି ହୋଇ ରହିଗଲାଣି ।
Kanak News is now on WhatsApp
Join and get latest news updates delivered to you via WhatsApp
ଗାଁ ମେଳଣରୁ ନେଇ ମନ୍ଦିର ପୂଜା ପର୍ବାଣୀରେ ଛତ୍ରିରୁ ନେଇ ଆଲଟ, ମନ୍ଦିର ଚାନ୍ଦୁଆ ଆଦି କରାଯାଉଥିଲେ ବି ବିକ୍ରି ବ୍ୟବସ୍ଥା ନାହିଁ । କାରିଗର ବି କ୍ଷତିରେ ପଡୁଥିବା ବେଳେ ଲାଭ ଦୁଇ ପଇସା ନାହିଁ । ୧୦ ବର୍ଷ ହେଲା କରାଯାଇଥିବା ମାର୍କେଟ କ୍ମମ୍ପେ୍ଲକ୍ସ ଥରଟିଏ ବି ଖୋଲାଯାଇନି । ସସମ୍ୟା ନେଇ ବହୁବାର ଜଣାଯାଇଥିଲେ ବି କୌଣସି ସମାଧାନ ହୋଇପାରିନି । ସେପଟେ ଆଉ ଏକ ନୂଅ ବଜାର ଖୋଲିବାକୁ କୁହାଯାଉଛି । ଯାହାର ଅପେକ୍ଷାରେ ରହିଛନ୍ତି କାରିଗର ।
ଚାନ୍ଦୁଆ କାରିଗରଙ୍କ ସମସ୍ୟା କେବେ ସୁଧୁରିବ ଓ ପ୍ରଶାସନର କେବେ ନଜର ପଡିବ ତା ଉପରେ ରହିଛି ସମସ୍ତଙ୍କ ନଜର ।