ମା’ କୋଳରୁ ଚୋରି ହୋଇଗଲା ଶିଶୁ ପୁତ୍ର । ଶୋଇଥିବାବେଳେ ମା’ ପାଖରୁ ଉଠାଇ ନେଲା ଦୁର୍ବୃତ୍ତ । ସିସିଟିଭିରେ କଏଦ ପୁରା ଘଟଣା ।
କନକ ବ୍ୟୁରୋ: ମା’ କୋଳରୁ ଚୋରି ହୋଇଗଲା ଶିଶୁ ପୁତ୍ର । ପୁଅ ଚୋରି ହେବାର ଦୃଶ୍ୟ ସିସିଟିଭିରେ ହେଲା କଏଦ । ଏମିତି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଖଲ୍ଲିକୋଟରେ । ଜଣେ ସ୍ୱାମୀ ପରିତ୍ୟକ୍ତ ମହିଳାଙ୍କ କୋଳରୁ ଶିଶୁ ପୁତ୍ରକୁ ଚୋରି କରି ନେବା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ରାତିରେ ଖଲ୍ଲିକୋଟର ଏକ ଦୋକାନ ବାରଣ୍ଡାରେ ମା ତାର ଏକ ୯ମାସର ପୁଅ ସହ ଶୋଇ ପଡିଥିଲେ । ଶୋଇଥିବା ଅବସ୍ଥାରେ କୁନି ପୁଅକୁ କେହି ଜଣେ ଚୋରି କରି ନେଇଯାଇଥିଲେ । ତେବେ ମା ଜାଣିବା ପରେ ପୁଅକୁ ଖୋଜାଖୋଜି କରିଥିଲେ । ମହିଳାଙ୍କ କାନ୍ଦ ଦେଖି ଲୋକମାନେ ଉକ୍ତ ନିରାଶ୍ରୟ ମହିଳାଙ୍କ ଚାରିପଟେ ରୁଣ୍ଡ ହୋଇ ଯାଇଥିଲେ । ଶିଶୁପୁତ୍ରର ଖୋଜ ଖବର ନ ପାଇ ଶେଷରେ ଖଲ୍ଲିକୋଟ ଥାନରେ ଏନେଇ ଏତଲା ଦିଆଯାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।