ପରାଜୟ ପରେ ପାକିସ୍ତାନ ଟିମର କ୍ଲାସ ନେଲେ ବାବର ଆଜମ: କହିଲେ ଏମିତି କଥା…
କନକ ବ୍ୟୁରୋ: ଟି-୨୦ ବିଶ୍ୱକପର ଲିଗ ପର୍ଯ୍ୟାୟରେ ଗୋଟିଏ ବି ମ୍ୟାଚ ହାରିନଥିଲା ପାକିସ୍ତାନ । ହେଲେ ସେମିଫାଇନାଲରେ ପାକିସ୍ତାନର ବିଜୟ ଧାରାରେ ବ୍ରେକ ଲଗାଇଥିଲା ଅଷ୍ଟ୍ରେଲିଆ । ହେଲେ ପରାଜୟ ପରେ ବି ପାକିସ୍ତାନ ଅଧିନାୟକ ବାବର ଆଜମଙ୍କ ଆତ୍ମବିଶ୍ୱାସ ଦୃଢ ରହିଛି । ଯାହାକି ଏକ ଭିଡିଓରକୁ ପ୍ରମାଣିତ ହୋଇଛି । ଡ୍ରେସିଂ ରୁମରେ ନିଜ ଟିମର ଖେଳାଳିମାନଙ୍କୁ ବାବର ଆଜମ ଉତ୍ସାହଜନକ ସ୍ପିଚ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
Babar Azam, Saqlain Mushtaq and Matthew Hayden are proud of their side despite a five-wicket defeat in #T20WorldCup semi-final. pic.twitter.com/kAem5PrWjj
— Pakistan Cricket (@TheRealPCB) November 11, 2021
ଡ୍ରେସିଂ ରୁମରେ ଟିମର ଏହି ଭିଡିଓକୁ ପିସିବି ନିଜ ଟ୍ୱିଟର ଆକାଉଣ୍ଟରେ ସେୟାର କରିଛି । ଏଥିରେ ବାବର ଆଜମ ନିଜ ଖେଳାଳିଙ୍କ ଆତ୍ମବିଶ୍ୱାସ ଦୃଢ କରିଛନ୍ତି । ଆଉ କହିଛନ୍ତି, ଦୁଃଖ ଆମ ସମସ୍ତଙ୍କୁ ଲାଗୁଛି । ଆମେ କଣ ଭୁଲ କଲୁ, କେଉଁଠି ଅଟକି ଗଲୁ? ସେ ଦୋଷ ଆମେ କେହି କାହା ଉପରେ ଲଦିବାନହିଁ । କେହି କାହାକୁ କହିବାନି କି ତା ଭୁଲ ଯୋଗୁଁ ଆମେ ହାରିଗଲୁ କି ୟା ଭୁଲ ଯୋଗୁଁ ଆମେ ହାରିଲୁ । ଆମକୁ ଆମ ୟୁନିଟି ବଜାୟ ରଖିବାକୁ ପଡିବ ।
ସେ ଆହୁରି ମଧ୍ୟ କହିଛନ୍ତି କି, ଆମେ ହାରିଗଲୁ ସେଥିରେ କିଛି ଅସୁବିଧା ନାହିଁ । ଆମେ ଏଥିରୁ ସିଖିବା, ଆଉ ଆଗାମୀ ସିରିଜ ଗୁଡିକରେ ଏହି ଭୁଲ ଯେପରି ନହୁଏ, ସେଥିପ୍ରତି ଧ୍ୟାନ ଦେବା । ସମସ୍ତଙ୍କୁ ନଜରରେ ରଖିବାକୁ ହେବ ଆମେ ଯେଉଁ ଏକତା କରିଛୁ ତାହା ଯେପରି ନଭାଙ୍ଗେ ।