କରୋନା ରୋଗୀଙ୍କୁ ମନ୍ତ୍ର ଫୁଙ୍କି ଭଲ କରିବା ଦାବି କରି ଅଡୁଆରେ ବାବା ଆର୍ତ୍ତତ୍ରାଣ : ଚନ୍ଦ୍ରଶେଖର ପୁର ଥାନାରେ ବାବାଙ୍କ ବିରୋଧରେ ଅଭିଯୋଗ ; ହାଇକୋର୍ଟ ଓକିଲ ତପନ ହରିଚନ୍ଦନ ଦେଲେ ଅଭିଯୋଗ
କନକ ବ୍ୟୁରୋ : ଫୋନ୍ ଯୋଗେ ମନ୍ତ୍ର ଫୁଙ୍କି ଓ ରୋଗୀଙ୍କୁ ଛୁଇଁ କରୋନା ଭଲ କରିବାକୁ ଦାବି କରି ଅଡୁଆରେ ଆତ୍ମଘୋଷିତ ବାବା ଆର୍ତତ୍ରାଣ । ଚନ୍ଦ୍ରଶେଖରପୁର ଥାନାରେ ଆର୍ତ୍ତତ୍ରାଣଙ୍କ ନାଁରେ ଅଭିଯୋଗ ହୋଇଛି । ତପନ ହରିଚନ୍ଦନ ନାମକ ହାଇକୋର୍ଟର ଜଣେ ଆଇନଜୀବୀ ଥାନାରେ ଅଭିଯୋଗ କରିଛନ୍ତି । ଅଭିଯୋଗକାରୀ କହିଛନ୍ତି, କରୋନା ସଂକ୍ରମଣରେ ସାରା ଦେଶ ଏବେ ସଂକଟ ସ୍ଥିତିରେ । ରାଜ୍ୟରେ ମଧ୍ୟ କରୋନା ସ୍ଥିତି ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏପରି ସମୟରେ ଝଡାଫୁଙ୍କାରେ କରୋନା ଭଲ କରି ଦେବାକୁ ଆର୍ତତ୍ରାଣ ଦାବି କରି ଲୋକଙ୍କ ମଧ୍ୟରେ ଅନ୍ଧବିଶ୍ୱାସ ବଢାଉଛନ୍ତି । ଏନେଇ ଆର୍ତତ୍ରାଣଙ୍କ ବିରୋଧରେ ଡ୍ରଗସ୍ ଆଣ୍ଡ୍ ମ୍ୟାଜିକ୍ ରିମେଡିଜ୍ ଆକ୍ଟ ତଥା ଆଇପିସି ଧାରାରେ ଦଫା ଲଗାଇବାକୁ ସେ ଦାବି କରିଛନ୍ତି ।