ରାଜନୀତିକୁ ଓହ୍ଲାଇ ଲୋକଙ୍କ ସେବା କରିବେ ବିଟେକ ମହିଳା: ଗଞ୍ଜାମ ପଥରାରେ ସରପଞ୍ଚ ପାଇଁ ପ୍ରତିଦ୍ୱନ୍ଦିତା କରିବେ ପିଙ୍କି
କନକ ବ୍ୟୁରୋ: ରାଜନୈତିକ ମଇଦାନରେ ବିଟେକ ମହିଳା । ପଂଚାୟତ ନିର୍ବାଚନ ଘୋଷଣା ପରେ ଗାଁ ରାଜନୀତି ସରଗରମ ରହିଛି । ଆଉ ରାଜନୀତି ମଇଦାନକୁ ଓହ୍ଲାଇଛନ୍ତି ଜଣେ ବିଟେକ ପଢୁଥିବା ଗୃହିଣୀ । ଯାହା ଏବେ ଖଲ୍ଲିକୋଟ ବ୍ଲକରେ ଚର୍ଚାର ବିଷୟ ପାଲଟିଛି । ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ପଥରା ପଂଚାୟତରେ ସରପଂଚ ପାର୍ôଥ ପାଇଁ ଆଶାୟୀ ଅଛନ୍ତି ପିଙ୍କି ବେହେରା । ସେ ଜଣେ ବିଟେକ ଇଂଜିନିୟର ଗୃହିଣୀ ହେବା ସହ ଘର ଚଳେଇବା ପାଇଁ ଏକ କମ୍ପାନୀରେ ଚାକିରି କରୁଥିଲେ । କିନ୍ତୁ ଲୋକଙ୍କ ସେବା କରିବା ପାଇଁ ଚାକିରି ଛାଡି ରାଜନୈତିକ ମଇଦାନକୁ ଉହ୍ଲାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପଥରା ପଂଚାୟତର ଆଶାୟୀ ପ୍ର୍ରାର୍ଥୀ ଭାବେ ପିଙ୍କି ଆଗକୁ ଆସିଥିବା ବେଳେ ଲୋକଙ୍କ ବିଭିନ୍ନ ସମସ୍ୟା ଦୂର କରିବା ସହ ଲୋକଙ୍କ ସେବା କରିବେ ବୋଲି କହିଛନ୍ତି । ତେବେ ଏହାରି ଭିତରେ ପଂଚାୟତ ମଇଦାନକୁ ଜଣେ ଉଚଶିକ୍ଷିତା ଗୃହିଣୀ ସରପଂଚ ପାଇଁ ଆଶାୟୀ ଥିବାରୁ ଲୋକ ବେଶ ପସନ୍ଦ କରିଛନ୍ତି । ଆଉ ଆଶା ଓ ବିଶ୍ୱାସ ରଖିଛନ୍ତି ଜଣେ ଉଚଶିକ୍ଷିତା ସରପଂଚ ହେଲେ ନିଶ୍ଚିତ ଭାବେ ପଂଚାୟତର ଉନ୍ନତି ହେବ । ପିଙ୍କି ଘର ଘର ବୁଲି ଲୋକଙ୍କ ସହ ମିଶି ଭୋଟ ଭିକ୍ଷା କରୁଛନ୍ତି ।
ପଞ୍ଚାୟତ ନିର୍ବାଚନ ପାଇଁ ରାଜନୀତି ସରଗରମ ହେଉଥିବା ବେଳେ ଏବେ ଗୋଟିଏ ପରେ ଗୋଟିଏ ଚର୍ଚ୍ଚିତ ପ୍ରାର୍ଥୀଙ୍କ ଚେହେରା ସାମ୍ନାକୁ ଆସିଛି । ଆଉ ଯାହାଙ୍କୁ ନେଇ ସ୍ଥାନୀୟ ଅଞ୍ଚଳରେ ରାଜନୀତିରେ ଚର୍ଚ୍ଚା ସୃଷ୍ଟି କରିଛନ୍ତି । କିଛି ପ୍ରାର୍ଥୀ ଚାକିରି ଛାଡି ରାଜନୀତିରେ ମୈଦାନରେ ପାଦ ମଧ୍ୟ ଥାପିଛନ୍ତି ।