ଗଞ୍ଜେଇ ଚୋରା ଚାଲାଣ କରୁଛନ୍ତି ବି-ଟେକ୍ ଛାତ୍ର। କୋରାପୁଟ ନନ୍ଦପୁରର ୩ ଜଣ ଛାତ୍ରଙ୍କୁ ଗିରଫ କଲା ପୁଲିସ
କନକ ବ୍ୟୁରୋ: ଗଞ୍ଜେଇ ଚୋରା ଚାଲାଣ କରୁଥିଲେ ଛାତ୍ର । କୋରାପୁଟ ନନ୍ଦପୁରରୁ ତେଲେଙ୍ଗାନାକୁ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଗିରଫ ହୋଇଛନ୍ତି ତିନି ଜଣ ଛାତ୍ର । ତେଲେଙ୍ଗାନା ରାଜ୍ୟର ୨ ଜଣ ବି-ଟେକ୍ ଛାତ୍ର ଓ ଜଣେ ଏମବିଏ ଛାତ୍ରଙ୍କୁ ଗିରଫ କରାଯାଇଛି । ଏମାନେ ଏକ କାର ଯୋଗେ ନନ୍ଦପୁରରୁ ଗଞ୍ଜେଇ ନେଇ ତେଲେଙ୍ଗାନା ଯାଉଥିଲେ । ଏନେଇ ଖବର ପାଇଁ ନନ୍ଦପୁର ଆଇବି ଛକ ନିକଟରେ ପୋଲିସ ଗାଡିକୁ ଯାଞ୍ଚକରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହି ସମୟରେ ଗାଡ଼ିରୁ ୨୧ କେଜି ୪୦୦ ଗ୍ରାମ ଗଞ୍ଜେଇ ଜବତ କରିବା ସହିତ ତିନି ଛାତ୍ରଙ୍କୁ ଗିରଫ କରିଛି ପୋଲିସ । ତିନି ଛାତ୍ରଙ୍କ ମଧ୍ୟରେ ଦୁଇ ଜଣ ଇଂଜିନିୟରିଂ ଛାତ୍ର ହୋଇଥିବା ବେଳେ ଜଣେ ଏମବିଏ ଛାତ୍ର ଅଛନ୍ତି । ଗିରଫ ଛାତ୍ରଙ୍କୁ କୋର୍ଟ ଚାଲାଣ କରାଯାଇଛି ।